Tantara ao amin’ny soratra masina
Anjely iray nanafaka an’i Petera tao am-ponja—Mamaly vavaka Andriamanitra

Asan’ny Apostoly 12:1–17

Anjely iray nanafaka an’i Petera tao am-ponja

Mamaly vavaka Andriamanitra

Naiditra am-ponja i Petera.

Nisy mpanjaka iray antsoina hoe Heroda izay nankahala ireo Kristianina. Novonoiny ho faty i Jakoba Apôstôly. Naidiny am-ponja i Petera avy eo. Nasiany miaramila 16 mba hiambina ilay fonja.

Asan’ny Apostoly 12:1–4

Ny vahoaka mivavaka ho an’i Petera.

Rehefa nandre izany ireo mpikamban’ny Fiangonana dia nivavaka hatrany tamin’ny Ray any An-danitra ho an’i Petera izy ireo.

Asan’ny Apostoly 12:5

I Petera matory ao am-ponja.

Resin-tory i Petera indray alina. Nifatotra tamin’ny rojo anankiroa izy teo anelanelana miaramila anankiroa.

Asan’ny Apostoly 12:6

Anjely iray miseho amin’i Petera.

Tampoka teo dia nisy hazavana niposaka tao amin’ilay fonja ka nisy anjely niseho. “Mitsangàna faingana”, hoy ilay anjely, ary nianjera avy teo an-tanan’i Petera ireo rojo. Nasain’ilay lehilahy nanaraka azy i Petera.

Asan’ny Apostoly 12:7–8

Ilay anjely mitarika an’i Petera andalo ireo mpiambina.

Nieritreritra i Petera fa nanofy izy. Nanaraka ilay anjely nandalo ireo mpiambina izy. Nisokatra ho azy ilay vavahady vy nitondra nankany amin’ilay tanàna, ary nandalo izany i Petera sy ilay anjely.

Asan’ny Apostoly 12:9–10

I Petera mandeha irery ao amin’ilay tanàna.

Lasa ilay anjely, ary tonga saina i Petera fa tsy nanofy. Fantany fa nalefan’ny Tompo ilay anjely mba hamonjy azy.

Asan’ny Apostoly 12:10–11

I Petera mandondona eo am-baravaran’i Maria.

Nandeha tany an-tranona vehivavy iray antsoina hoe Maria i Petera, izay toerana nandehanan’ireo mpikamban’ny Fiangonana maro mba hivavaka. Nandondona tao am-baravarana izy

Asan’ny Apostoly 12:12–13

I Roda mandre ny feon’i Petera avy teo am-baravarana.

Nisy zazavavy iray antsoina hoe Roda izay tonga teo am-baravarana. Tena faly izy rehefa nandre ny feon’i Petera! Nihazakazaka nilaza izany tamin’ny hafa izy.

Asan’ny Apostoly 12:13–14

I Roda milaza amin’ireo mpikamban’ny Fiangonana fa ao am-baravarana i Petera.

Rehefa avy nilaza tamin’ny olona rehetra i Roda fa tao am-baravarana i Petera dia tsy nino azy izy ireo. Nanohy nandondona i Petera.

Asan’ny Apostoly 12:15–16

I Petera milaza amin’ireo mpikamban’ny Fiangonana fa nentin’ny Tompo nivoaka ny fonja izy.

Nony farany dia nosokafan’izy ireo ny varavarana ary tsikaritr’izy ireo fa marina izany. Avotra i Petera! Namaly ny vavak’izy ireo ny Tompo. Notantarain’i Petera tamin’ny olona rehetra ny fomba namoahan’ny Tompo azy avy tao am-ponja.

Asan’ny Apostoly 12:16–17