Mampahiratra lehilahy jamba iray i Jesoa

Fahasitranana izay mitranga miandalana

Olona mitondra lehilahy jamba iray mba ho sitranin’i Jesoa.

Tany amin’ny tanàna iray antsoina hoe Betsaida dia nitondra lehilahy jamba iray teo amin’i Jesoa ny olona. Tian’izy ireo hitsodrano azy i Jesoa mba hahafahany mahita.

Marka 8:22

Nohazonin’i Jesoa ny tanan’ilay lehilahy ary notarihiny hivoaka ny tanàna izy. Dia nametraka ny tanany teo amin’ilay lehilahy i Jesoa ka nitsodrano azy.

Marka 8:23

Nahita amin’izay ilay lehilahy, saingy tsy tena nahita tsara.

Nanontanian’i Jesoa ilay lehilahy raha toa ka afaka mahita zavatra izy. Nitraka ilay lehilahy. Nilaza izy fa afaka mahita kely, saingy tsy dia mazava loatra. Nilaza izy fa toy ny hazo mandehandeha ny olona.

Marka 8:23–24

Afaka mahita mazava tsara amin’izay ilay lehilahy.

Nitsodrano ilay lehilahy indray i Jesoa. Tamin’ity indray mitoraka ity, rehefa nitraka izy dia nazava ny zava-drehetra. Nositranin’i Jesoa izy!

Marka 8:25