Lioka 17:11–19
Nanasitrana lehilahy folo boka i Jesoa
Ny maha zava-dehibe ny fankasitrahana
Rehefa nandeha i Jesoa dia niditra tao amin’ny tanàna iray Izy ary nahita lehilahy folo izay nanana aretin-koditra nantsoina hoe habokana. Ny olona boka dia tsy maintsy niala lavitra ny olon-drehetra, na ny fianakaviany aza, mba tsy hamparary ny olona hafa.
Lioka 17:11–12
Niantso an’i Jesoa ireo lehilahy ireo ary nangataka Azy mba hanasitrana azy ireo. Nasain’i Jesoa nandeha tany amin’ireo mpisorona tao an-tanana izy ireo. Ireo mpisorona ihany no afaka manapa-kevitra raha toa ka afaka miaraka amin’ny olon-kafa indray izy ireo.
Lioka 17:13–14; jereo koa ny Levitikosy 14:2–3
Rehefa nandeha nitsidika ireo mpisorona ireo lehilahy folo marary dia nisy fahagagana nitranga. Niala ny aretin’izy ireo. Sitrana izy ireo!
Lioka 17:14
Rehefa nahita ny iray tamin’ireo lehilahy fa sitrana izy dia nitodika izy ary nisaotra an’ Andriamanitra tamin’ny feo mahery. Samaritana izy.
Lioka 17:15–16
Niankohoka teo an-tongotr’i Jesoa ilay lehilahy mba hisaotra Azy noho ny zavatra nataony. Nanontanian’i Jesoa hoe aiza ireo lehilahy sivy hafa izay sitrana. Lehilahy iray ihany no niverina mba hisaotra Azy! Dia hoy i Jesoa tamin’ilay lehilahy hoe: “Mitsangàna, mandehana; ny finoanao no efa nahavonjy anao”.
Lioka 17:16–19