Tantara ao amin’ny soratra masina
Andeha hizaha—Manasa namana iray hanara-dia an’i Jesoa

Jaona 1:43–51

Andeha hizaha

Manasa namana iray hanara-dia an’i Jesoa

I Filipo mihaino an’i Jesoa eo am-pampianarana olona.

Nisy lehilahy iray antsoina hoe Filipo ny iray tamin’ireo mpanara-dia an’i Jesoa. Fantany fa i Jesoa no Mpamonjy. Tian’i Filipo hahafantatra ny momba an’i Jesoa ihany koa i Natanaela namany.

Jaona 1:43–45

I Filipo miresaka amin’i Natanaela namany.

Fantatr’i Natanaela fa ny soratra masina dia nilaza fa handefa Mpamonjy Andriamanitra. Nilaza taminy i Filipo fa nahita ny Mpamonjy izy—i Jesoa no anarany, avy any Nazareta.

Jaona 1:45

I Filipo manasa an’i Natanaela handeha hizaha an’i Jesoa.

Tsy nino azy i Natanaela tamin’ny voalohany. Tsy nino izy hoe mety ho olona avy any Nazareta ny Mpamonjy. “Moa mba misy zava-tsoa va avy any Nazareta?” hoy izy nanontany. Namaly i Filipo hoe: “Andeha hizaha”.

Jaona 1:46

I Jesoa miarahaba an’i Natanaela.

Nandeha niaraka tamin’i Filipo i Natanaela mba hihaona amin’i Jesoa. Rehefa nahita azy ireo i Jesoa dia nilaza Izy fa i Natanaela dia lehilahy tsy misy fitaka. Gaga i Natanaela. Tsy mbola nihaona tamin’i Jesoa mihitsy izy teo aloha. Ahoana no nahafantaran’i Jesoa azy?

Jaona 1:47–48

I Jesoa miresaka amin’i Natanaela

Nilaza tamin’i Natanaela i Jesoa fa fony tsy mbola niantso azy i Filipo, dia hitany teo ambanin’ny aviavy izy.

Jaona 1:48

I Natanaela mandohalika eo amin’i Jesoa.

Fantatr’i Natanaela izao fa i Jesoa no Zanak’ Andriamanitra. Nilaza tamin’i Natanaela i Jesoa fa hahita zavatra lehibe izy—toy ny anjely avy any an-danitra—izany rehetra izany dia noho ny finoany.

Jaona 1:49–51