Tantara ao amin’ny soratra masina
Natao batisa i Jesoa—Maneho ohatra amin’ny fankatoavana an’ Andriamanitra

Matio 3

Natao batisa i Jesoa

Maneho ohatra amin’ny fankatoavana an’ Andriamanitra

Sary maneho an’i Jaona Mpanao Batisa.

Niantso an’i Jaona Andriamanitra mba hanampy ny olona hiomana amin’ny fahatongavan’i Jesoa Kristy. Nampianatra ny olona hibebaka sy hatao batisa i Jaona. Nantsoin’ny olona hoe Jaona Mpanao Batisa izy.

Matio 3:1–12

I Jesoa manatona an’i Jaona mba hatao batisa.

Mpampianatra mahay i Jaona. Maro ny olona tonga mba hihaino azy ary hatao batisa. Indray andro dia tonga i Jesoa mba hatao batisa.

Matio 3:5, 13

I Jesoa sy i Jaona miresaka.

Fantatr’i Jaona fa nankatò an’ Andriamanitra foana i Jesoa. Tsy nila nibebaka Izy. Tsy nieritreritra i Jaona hoe tokony hanao batisa an’i Jesoa izy. Nieritreritra i Jaona fa tokony hanao batisa azy i Jesoa!

Matio 3:14

I Jaona manao batisa an’i Jesoa.

Nilaza i Jesoa fa nila natao batisa ihany koa Izy. Te hankatò ny didin’ny Rainy rehetra Izy. Te haneho ohatra ho antsika ihany koa Izy. Nanao batisa Azy i Jaona.

Matio 3:13–15; 2 Nefia 31:5–7

Natao batisa i Jesoa. Midina ny Fanahy Masina.

Rehefa nivoaka avy tao anaty rano i Jesoa dia nidina teo Aminy toy ny voromailala ny Fanahy Masina. Ary niteny avy tany an-danitra ny Ray any An-danitra nanao hoe: “Ity no Zanako Malalako”. Tena faly tamin’i Jesoa ny Ray any An-danitra.

Matio 3:16–17