ኢየሱስ ሁለት ሐዋሪያትን አፅናና

ኢየሱስ ከሞት በተነሳበት ቀን፣ ሁለት ሐዋሪያት ከኢየሩሳሌም ኤማሁስ ወደምትባል ከተማ ይሄዱ ነበር። እነርሱ የኢየሱስ ተከታዮች ነበሩ፣ እናም አዝነው ነበር። ስለኢየሱስ ሞት እና ባለፉት ጥቂት ቀናት ውስጥ የተከሰቱትን ሌሎች ነገሮች ይነጋገሩባቸው ነበር።

ሉቃስ 24፥13–14

እየተጓዙ ሳሉ፣ ኢየሱስ መጣ እናም ከእነርሱ ጋር ተጓዘ፣ ግን እነርሱ ኢየሱስ እንደነበረ አላወቁም። ስለምን እንደሚያወሩ እና ለምን እንዳዘኑ ጠየቃቸው።

ሉቃስ 24፥15–17

እርሱ ምን እንደተከሰተ ባለማወቁ ተደንቀው ነበር። ስለኢየሱስ ነገሩት። እርሱ አዳኛቸው ይሆናል ብለው አስበው ነበር፣ ግን ሞቷል።

ሉቃስ 24፥18–21

ደግመውም አንዳንድ ሴቶች ወደ መቃብሩ ሄደው ነበር፣ ነገር ግን የኢየሱስ ሰውነት ጠፍቷል አሉ። መላእክት ለሴቶቹ ኢየሱስ ህያው እንደሆነ ነግረዋቸዋል።

ሉዋስ 24፥21–24

ኢየሱስ ቅዱሳት መጻህፍት ስለአዳኝ ምን እንዳሉ አስተማራቸው። ነቢያት አዳኝ ይሞታል እና እንደገና ይነሳል ብለዋል አለ።

ሉቃስ 24፥25–27

ወደ ኤማሁስ ሲደርሱም፣ እየመሸ ነበር። ሁለቱ ደቀ መዛሙርት ኢየሱስ ከእነርሱ ጋር እንዲያድር ጋበዙት። ኢየሱስ ከእነርሱ ጋር ለመብላት ተቀመጠ። ዳቦን ወሰደ፣ ባረከው እና ለደቀ መዛሙርቱ ሰጠ። በዚያ ጊዜ፣ እነርሱ ኢየሱስ እንደሆነ አወቁ። በድንገትም ከእነርሱ ተሰወረ።

(ሉቃስ 24፥29–31)።

ሁለቱ ሐዋሪያት ኢየሱስ ከቅዱሳት መጻህፍት ሲያስተምራቸው እንዴት ልባቸው ይቃጠል እንደነበር ተናገሩ። ለሌሎቹ ደቀ መዛሙርት ኢየሱስን እንዳዩ ለመንገር በፍጥነት ወደ ኢየሩሳሌም ተመለሱ።

ሉቃስ 24፥32–35