ኢየሱስ የመቶ አለቃውን አገልጋይ ፈወሰ

የመቶ አለቃው ኢየሱስ በአብዛኛው ሲያስተምር በነበረበት በቅፍርናሆም ይኖር ነበር። እርሱም የታላቅ ወታደሮች ስብስብ መሪ ነበር።

ሉቃስ 7፥1–2

ይህ የመቶ አለቃ ለእርሱ እጅግ ልዩ የነበረ አገልጋይ ነበረው። አገልጋዩም ታመመ እናም ሊሞት ደርሶ ነበር።

ሉቃስ 7፥2

ምንም እንኳ የመቶ አለቃው አይሁዳዊ ባይሆንም፣ ስለ ኢየሱስ ሰምቷል። እርሱም ኢየሱስ ታላላቅ ተዓምራትን ያደርግ ዘንድ ሃይል እንዳለው አምኗል። የአይሁድ አንዳንድ መሪዎችን ኢየሱስ እንዲመጣ እና አገልጋዩን እንዲፈውስለት እንዲጠይቁት ላካቸው።

ሉቃስ 7፥3–4

መሪዎቹም ስለመቶ አለቃው እና ስለአገልጋዮ ለኢየሱስ ነገሩት። እነርሱም ይህ የመቶ አለቃ ለአይሁድ ደግ እንደነበር ተናገሩ። ኢየሱስ ወደ መቶ አለቃው ቤት መሄድ ጀመረ። ነገር ግን እዚያ ከመድረሱ በፊት፣ የመቶ አለቃው አንዳንድ ጓደኞቹ ኢየሱስን አቆሙት። ወደ እርሱ ቤት እንዳይመጣ ነገሩት።

ሉቃስ 7፥4–6

ጓደኞቹም የመቶ አለቃው ኢየሱስን በቤቱ ለመቀበል ብቁነት የማይሰማው መሆኑን ነገሩት ። እርሱም ኢየሱስ በርቀት ሆኖ አገልጋዩን መፈወስ እንደሚችል አምኗል።

ሉቃስ 7፥6–8

ኢየሱስ በመቶ አለቃው እምነት ተገርሞ ነበር። እርሱም እንደዚህ ያለ ታላቅ እምነት እንዳላየ ተናገረ።

ሉቃስ 7፥9

የመቶ አለቃው ጓደኞች ወደ ቤቱ ሲመለሱ፣ አገልጋዩ ሙሉ ለሙሉ ተፈውሷል። ልክ የመቶ አለቃው ኢየሱስ ሊያደርገው እንደሚችል እንዳመነው፣ እርሱም ፈወሰው።

ሉቃስ 7፥10