ເອເຟໂຊ 6:11–17
ຍຸດທະພັນຄົບຊຸດຂອງພຣະເຈົ້າ
ການຮັກສາຄວາມປອດໄພທາງວິນຍານ
ໂປໂລໄດ້ສິດສອນໄພ່ພົນໃນເມືອງເອເຟໂຊວ່າເຮົາທຸກຄົນຢູ່ໃນການຕໍ່ສູ້ທາງວິນຍານຕໍ່ຕ້ານກັບຄວາມຊົ່ວຮ້າຍ. ເຊັ່ນດຽວກັນກັບທະຫານທີ່ສວມໃສ່ຊຸດເກາະເພື່ອປ້ອງກັນຮ່າງກາຍຂອງເຂົາເຈົ້າໃຫ້ປອດໄພ, ເຮົາກໍສາມາດສວມໃສ່ຍຸດທະພັນທາງວິນຍານຂອງພຣະເຈົ້າເພື່ອປ້ອງກັນວິນຍານຂອງເຮົາໃຫ້ປອດໄພ.
ເອເຟໂຊ 6:11–13
ໂປໂລໄດ້ປຽບທຽບຊຸດເກາະປ້ອງກັນຂອງທະຫານໃສ່ກັບສິ່ງທີ່ປົກປ້ອງເຮົາທາງວິນຍານ. ຕົວຢ່າງເຊັ່ນ, ເພິ່ນໄດ້ເວົ້າວ່າຄວາມຈິງນັ້ນກໍຄືກັນກັບສາຍຮັດຮອບແອວ ຫລື ສາຍແອວທີ່ຮັດອ້ອມແອວຂອງເຮົາ.
ເອເຟໂຊ 6:14
ຕໍ່ມາ, ໂປໂລໄດ້ເວົ້າວ່າຄວາມຊອບທຳກໍເປັນເໝືອນດັ່ງເສື້ອເກາະເຫລັກທີ່ປົກປ້ອງຫົວໃຈຂອງເຮົາ.
ເອເຟໂຊ 6:14
ພຣະກິດຕິຄຸນແຫ່ງຄວາມສະຫງົບສຸກຂອງພຣະເຢຊູຄຣິດກໍ່ຄືກັນກັບເກີບທີ່ເຮົາສວມໃສ່ເພື່ອປົກປ້ອງຕີນຂອງເຮົາ.
ເອເຟໂຊ 6:15
ສັດທາຂອງເຮົາໃນພຣະເຢຊູຄຣິດກໍຄືກັນກັບໂລ້ປ້ອງກັນທີ່ປົກປ້ອງເຮົາຈາກຊາຕານ, ເຊັ່ນດຽວກັນກັບໂລ້ປ້ອງກັນທີ່ປົກປ້ອງທະຫານຈາກລູກທະນູຂອງສັດຕູຂອງພວກເຂົາ.
ເອເຟໂຊ 6:16
ໂປໂລໄດ້ກ່າວວ່າຄວາມລອດກໍເໝືອນກັນກັບໝວກເກາະເຫລັກທີ່ຮັກສາຫົວ ແລະ ຄວາມນຶກຄິດຂອງເຮົາໃຫ້ປອດໄພ.
ເອເຟໂຊ 6:17
ສຸດທ້າຍ, ໂປໂລໄດ້ເວົ້າວ່າພຣະວິນຍານ ແລະ ພຣະຄຳຂອງພຣະເຈົ້າກໍຄືກັນກັບດາບ.
ເອເຟໂຊ 6:17
ເມື່ອເຮົາສວມໃສ່ທຸກຊິ້ນສ່ວນຂອງຍຸດທະພັນຂອງພຣະເຈົ້າ, ເຮົາສາມາດຢືນຢັດໄດ້ຢ່າງກ້າຫານຕ້ານທານກັບຄຳຕົວະຍົວະ ແລະ ການລໍ້ລວງຂອງມານຮ້າຍໄດ້. ພຣະເຈົ້າໄດ້ມອບຍຸດທະພັນນີ້ໃຫ້ເຮົາເພື່ອຊ່ວຍເຮົາໃຫ້ຮັກສາວິນຍານຂອງເຮົາໃຫ້ປອດໄພ ແລະ ເຂັ້ມແຂງ.
ເອເຟໂຊ 6:11–13