ໂຣມ 8:18–39
ບໍ່ມີສິ່ງໃດສາມາດແຍກເຮົາອອກຈາກຄວາມຮັກຂອງພຣະຄຣິດໄດ້
ຄຳສັນຍາສຳລັບຊ່ວງເວລາທີ່ຍາກລຳບາກໃນຊີວິດ
ນະຄອນໂຣມໄດ້ເປັນເມືອງທີ່ກວ້າງໃຫຍ່ທີ່ມີຜູ້ຄົນເປັນຈຳນວນຢ່າງຫລວງຫລາຍ. ຜູ້ຄົນບາງຈຳນວນເປັນຜູ້ຕິດຕາມພຣະເຢຊູຄຣິດ, ແຕ່ສ່ວນຫລາຍກໍບໍ່ແມ່ນ. ຫລາຍຄົນໃນນະຄອນໂຣມໄດ້ເຊື່ອໃນສິ່ງທີ່ແຕກຕ່າງຫລາຍຈາກສິ່ງທີ່ພຣະເຢຊູໄດ້ສິດສອນ. ຜູ້ຄົນບາງຈຳນວນຢູ່ໃນນະຄອນໂຣມໄດ້ປະຕິບັດບໍ່ດີກັບສະມາຊິກຂອງສາດສະໜາຈັກ.
ອັກຄະສາວົກໂປໂລໄດ້ຂຽນຈົດໝາຍສະບັບໜຶ່ງຫາໄພ່ພົນໃນນະຄອນໂຣມ. ເພິ່ນຕ້ອງການໃຫ້ພວກເຂົາຮູ້ຈັກໄວ້ເຖິງແມ່ນວ່າຊີວິດບາງຄັ້ງກໍມີຄວາມຍາກລຳບາກ, ພຣະເຈົ້າມີພອນອັນຍິ່ງໃຫຍ່ທີ່ຈະມອບໃຫ້ກັບພວກເຂົາ. ຖ້າວ່າເຮົາຮັກພຣະເຈົ້າ, ພຣະອົງຈະສາມາດຊ່ວຍເຮັດໃຫ້ສິ່ງທີ່ຫຍຸ້ງຍາກໃນຊີວິດຂອງເຮົານຳໄປສູ່ສິ່ງທີ່ດີໄດ້.
ໂຣມ 8:18, 28
ໂປໂລໄດ້ຂຽນໄວ້ວ່າບໍ່ມີສິ່ງໃດສາມາດແຍກເຮົາອອກຈາກຄວາມຮັກຂອງພຣະຄຣິດໄດ້. ບໍ່ວ່າເລື່ອງທ້າທາຍຂອງເຮົາຈະຍາກລຳບາກປານໃດກໍຕາມ, ພຣະອົງສາມາດຊ່ວຍເຮົາໃຫ້ຜ່ານຜ່າພວກມັນໄປໄດ້.
ໂຣມ 8:31, 35–39