2 ໂກຣິນໂທ 12:7–10
ພຣະເຢຊູເຮັດໃຫ້ຄວາມອ່ອນແອກັບມາເຂັ້ມແຂງ
ບົດຮຽນຂອງໂປໂລຈາກ “ສ້ຽນໜາມ”
ອັກຄະສາວົກໂປໂລໄດ້ເປັນຜູ້ຮັບໃຊ້ທີ່ຍິ່ງໃຫຍ່ຂອງພຣະເຢຊູຄຣິດ. ເພິ່ນໄດ້ຮັບການເປີດເຜີຍຫລາຍຢ່າງ ແລະ ໄດ້ສິດສອນຜູ້ຄົນກ່ຽວກັບພຣະຜູ້ຊ່ວຍໃຫ້ລອດ. ແຕ່ວ່າໂປໂລກໍຍັງມີຄວາມທ້າທາຍຫລາຍຢ່າງນຳອີກ.
2 ໂກຣິນໂທ 12:7
ໃນຈົດໝາຍສະບັບໜຶ່ງທີ່ຂຽນຫາສະມາຊິກຂອງສາດສະໜາຈັກ, ໂປໂລໄດ້ປຽບທຽບຄວາມທ້າທາຍຂອງເພິ່ນໃສ່ກັບການມີສ້ຽນໜາມປັກລົງໃນຜິວໜັງຂອງເພິ່ນ. ມັນໄດ້ເຮັດໃຫ້ໂປໂລຮູ້ສຶກອ່ອນແອຫລາຍ.
2 ໂກຣິນໂທ 12:7
ເປັນເວລາສາມຄັ້ງ, ທີ່ໂປໂລໄດ້ອະທິຖານ ແລະ ທູນຂໍໃຫ້ພຣະຜູ້ເປັນເຈົ້ານຳເອົາຄວາມທ້າທາຍຂອງເພິ່ນອອກໄປ. ແຕ່ວ່າພຣະຜູ້ເປັນເຈົ້າບໍ່ໄດ້ນຳເອົາມັນອອກໄປ.
2 ໂກຣິນໂທ 12:8–9
ໃນທາງກັບກັນ, ພຣະຜູ້ເປັນເຈົ້າໄດ້ບອກກັບໂປໂລວ່າພຣະອົງມີອຳນາດພຽງພໍທີ່ຈະເຮັດໃຫ້ໂປໂລແຂງແຮງ. ໂປໂລໄດ້ຮຽນຮູ້ວ່າບາງຄັ້ງຄວາມທ້າທາຍສາມາດເປັນສິ່ງທີ່ດີໄດ້ຖ້າວ່າເຮົາເພິ່ງພາພຣະຜູ້ເປັນເຈົ້າ ແລະ ທູນຂໍຄວາມຊ່ວຍເຫລືອ. ເມື່ອເຮົາຮູ້ສຶກອ່ອນແອ, ພຣະເຢຊູຄຣິດສາມາດເຮັດໃຫ້ເຮົາເຂັ້ມແຂງ, ເຖິງແມ່ນວ່າຄວາມທ້າທາຍຂອງເຮົານັ້ນຈະບໍ່ໄດ້ຖືກນຳອອກໄປກໍຕາມ.
2 ໂກຣິນໂທ 12:9–10