ໂຣມ 3:21–28; 5:1–11; 6:3–6
ການເພິ່ງອາໄສພຣະເຢຊູຄຣິດເພື່ອຄວາມລອດ
ຖືກຊ່ວຍໃຫ້ລອດໂດຍພຣະຄຸນຂອງພຣະອົງ
ຜູ້ຄົນທີ່ມາຈາກຫລາຍບ່ອນໄດ້ເຂົ້າຮ່ວມສາດສະໜາຈັກຂອງພຣະເຢຊູຄຣິດ. ສະມາຊິກຂອງສາດສະໜາຈັກໄດ້ຖືກເອີ້ນວ່າໄພ່ພົນ.
ໂຣມ 1:7
ໄພ່ພົນບາງຈຳນວນກໍເປັນຊາວຢິວທີ່ຍັງປະຕິບັດຕາມກົດຂອງໂມເຊ. ບາງຄົນກໍບໍ່ແມ່ນ. ເຂົາເຈົ້າບໍ່ເຫັນດ້ວຍກ່ຽວກັບວ່າເຂົາເຈົ້າຈຳເປັນຕ້ອງປະຕິບັດຕາມກົດຂອງໂມເຊຫລືບໍ່.
ໂຣມ 2:14–15, 23–29
ໂປໂລໄດ້ຮູ້ຈັກແລ້ວວ່າໄພ່ພົນມີຄຳຖາມເຫລົ່ານີ້. ເພິ່ນໄດ້ຂຽນຈົດໝາຍສະບັບໜຶ່ງຫາໄພ່ພົນໃນນະຄອນໂຣມ. ເພິ່ນໄດ້ບອກເຂົາເຈົ້າວ່າບໍ່ມີໃຜຈະສາມາດໄດ້ຮັບຄວາມລອດໄດ້ພຽງແຕ່ໂດຍການພະຍາຍາມປະຕິບັດຕາມກົດຂອງໂມເຊ. ເຮົາທຸກຄົນມີຄວາມບາບ, ເພິ່ນໄດ້ອະທິບາຍ. ເພື່ອທີ່ຈະລອດ, ທຸກຄົນຈຳຕ້ອງມີສັດທາໃນພຣະເຢຊູຄຣິດ ແລະ ເຮັດຕາມພຣະອົງ.
ໂຣມ 3:20–23
ໂປໂລໄດ້ສິດສອນວ່າ ພຣະເຈົ້າໄດ້ສົ່ງພຣະເຢຊູຄຣິດມາເພື່ອຮັບເອົາຄວາມຜິດບາບຂອງເຮົາໄວ້ກັບພຣະອົງ. ຍ້ອນການເສຍສະລະຂອງພຣະເຢຊູຄຣິດ, ເຮົາທຸກຄົນຈຶ່ງສາມາດກັບໃຈ ແລະ ໄດ້ຮັບການໃຫ້ອະໄພຈາກບາບຂອງເຮົາ.
ໂຣມ 3:24–31
ໂປໂລໄດ້ສິດສອນວ່າພຣະເຢຊູຄຣິດມອບຂອງປະທານແຫ່ງການໃຫ້ອະໄພ ແລະ ໃຫ້ຄວາມເຂັ້ມແຂງແກ່ເຮົາ ເພື່ອໃຫ້ເຮົາເຮັດສິ່ງທີ່ດີ. ຂອງປະທານແຫ່ງຄວາມຮັກນີ້ເອີ້ນວ່າພຣະຄຸນຂອງພຣະເຢຊູຄຣິດ, ແລະ ມັນເຕີມເຕັມເຮົາດ້ວຍຄວາມຫວັງ ແລະ ຄວາມຊື່ນຊົມ. ໂປໂລ ໄດ້ກ່າວວ່າເມື່ອເຮົາໄດ້ຮັບບັບຕິສະມາ, ເໝືອນດັ່ງທີ່ພຣະເຢຊູໄດ້ຮັບ, ມັນກໍຄືກັນກັບການເລີ່ມຕົ້ນຊີວິດໃໝ່ໃນຖານະຜູ້ຕິດຕາມຂອງພຣະເຢຊູ.
ໂຣມ 5:1–11; 6:3–6