ມັດທາຍ 26:36–46; ລູກາ 22:39–46
ພຣະເຢຊູໃນເຄັດເຊມາເນ
ທົນທຸກທໍລະມານແທນບາບຂອງຊາວໂລກ
ພຣະເຢຊູ ແລະ ອັກຄະສາວົກຂອງພຣະອົງໄດ້ໄປທີ່ສວນແຫ່ງໜຶ່ງ ຊື່ວ່າ ເຄັດເຊມາເນ. ພຣະເຢຊູໄດ້ຂໍໃຫ້ເປໂຕ, ຢາໂກໂບ, ແລະ ໂຢຮັນຕາມພຣະອົງໄປ ແລະ ໄດ້ບອກໃຫ້ຄົນອື່ນລໍຖ້າ.
ມັດທາຍ 26:36–37; ໂຢຮັນ 18:1
ພຣະເຢຊູໄດ້ບອກເປໂຕ, ຢາໂກໂບ, ແລະ ໂຢຮັນວ່າພຣະອົງກຳລັງຮູ້ສຶກໂສກເສົ້າຫລາຍ. ພຣະອົງໄດ້ຂໍໃຫ້ພວກເພິ່ນເຝົ້າຄອຍຢູ່ກັບພຣະອົງໃນຂະນະທີ່ພຣະອົງໄດ້ອະທິຖານ.
ມັດທາຍ 26:38
ແລ້ວພຣະເຢຊູໄດ້ຍ່າງເລີຍໄປໄກໜ້ອຍໜຶ່ງໃນສວນ. ພຣະອົງໄດ້ເລີ່ມທົນທຸກທໍລະມານແທນບາບຂອງເຮົາ ເພື່ອວ່າເຮົາຈະສາມາດກັບໃຈ ແລະ ຮັບການໃຫ້ອະໄພໄດ້. ພຣະເຢຊູຍັງໄດ້ຮູ້ສຶກຄວາມເຈັບປວດ, ຄວາມເຈັບປ່ວຍ, ແລະ ຄວາມໂສກເສົ້າທຸກຢ່າງ ເພື່ອວ່າພຣະອົງຈະຮູ້ວິທີທີ່ຈະຊ່ວຍເຫລືອເຮົາ. ພຣະອົງໄດ້ເຮັດເຊັ່ນນີ້ເພາະວ່າ ພຣະອົງຮັກເຮົາ. ທັງໝົດເປັນພາກສ່ວນຂອງແຜນຂອງພຣະບິດາເທິງສະຫວັນ.
ມັດທາຍ 26:39; ລູກາ 22:41; ໂຣມ 3:23; ແອວມາ 7:11–13; 3 ນີໄຟ 27:19
ຄວາມທົນທຸກທໍລະມານຂອງພຣະເຢຊູແມ່ນເຈັບປວດແຮງຈົນພຣະອົງໄດ້ທູນຂໍພຣະບິດາເທິງສະຫວັນຖ້າຫາກພຣະອົງສາມາດເລື່ອນໃຫ້ຄວາມທຸກທໍລະມານນັ້ນພົ້ນໄປ. ແຕ່ພຣະອົງກໍເຕັມພຣະໄທທີ່ຈະກະທຳສິ່ງທີ່ພຣະບິດາຂອງພຣະອົງປະສົງໃຫ້ພຣະອົງກະທຳ. ພຣະອົງໄດ້ກ່າວວ່າ, “ຂໍຢ່າໃຫ້ເປັນໄປຕາມຄວາມປາດຖະໜາຂອງລູກ, ແຕ່ຂໍໃຫ້ເປັນໄປຕາມຄວາມປະສົງຂອງພຣະບິດາເຈົ້າເທີ້ນ.”
ລູກາ 22:42
ພຣະເຢຊູໄດ້ໄປຫາເປໂຕ, ຢາໂກໂບ, ແລະ ໂຢຮັນ ແລະ ໄດ້ເຫັນວ່າພວກເພິ່ນກຳລັງນອນຫລັບຢູ່. ພຣະອົງໄດ້ປຸກພວກເພິ່ນ ແລະ ໄດ້ຂໍໃຫ້ພວກເພິ່ນເຝົ້າຄອຍຢູ່ ແລະ ອະທິຖານ. ແຕ່ພຣະອົງກໍຮູ້ວ່າເຖິງແມ່ນວ່າພວກເພິ່ນຢາກຈະເຝົ້າຄອຍຢູ່, ແຕ່ພວກເພິ່ນກໍອິດເມື່ອຍຫລາຍ.
ມັດທາຍ 26:40–41
ພຣະເຢຊູໄດ້ອະທິຖານອີກຄັ້ງ. ທູດອົງໜຶ່ງໄດ້ມາປະກົດເພື່ອຊູກຳລັງພຣະອົງຂຶ້ນ. ພຣະອົງໄດ້ຮູ້ສຶກເຈັບປວດແຮງ, ແລະ ພຣະອົງກໍໄດ້ອະທິຖານຫລາຍຂຶ້ນ. ເຫື່ອຂອງພຣະອົງເປັນເໝືອນເລືອດໄຫລຢາດລົງດິນ.
ມັດທາຍ 26:42; ລູກາ 22:43–44; ໂມໄຊຢາ 3:7; ຄຳສອນ ແລະ ພັນທະສັນຍາ 19:16–19
ອີກສອງເທື່ອ, ພຣະເຢຊູໄດ້ໄປຫາເປໂຕ, ຢາໂກໂບ, ແລະ ໂຢຮັນ ແລະ ໄດ້ພົບເຫັນພວກເພິ່ນນອນຫລັບຢູ່. ໃນທີ່ສຸດ, ພຣະອົງໄດ້ປຸກພວກເພິ່ນ, ເພາະເວລາມາເຖິງແລ້ວທີ່ພຣະອົງຈະຖືກຈັບໄປ.
ມັດທາຍ 26:43–46