ມາຣະໂກ 10:17–31
ພຣະເຢຊູ ແລະ ເສດຖີໜຸ່ມ
“ຂ້ານ້ອຍຕ້ອງປະຕິບັດຢ່າງໃດຈຶ່ງຈະໄດ້ຮັບຊີວິດນິລັນດອນ?”
ໃນຂະນະທີ່ພຣະເຢຊູ ແລະ ສານຸສິດຂອງພຣະອົງກຳລັງເດີນທາງ, ຊາຍໜຸ່ມເສດຖີຄົນໜຶ່ງໄດ້ແລ່ນມາຫາພຣະເຢຊູ ແລະ ຄຸເຂົ່າລົງຕໍ່ພຣະພັກຂອງພຣະອົງ. ລາວໄດ້ຖາມພຣະເຢຊູວ່າລາວຄວນເຮັດແນວໃດເພື່ອຈະໄດ້ຢູ່ກັບພຣະບິດາເທິງສະຫວັນອີກຄັ້ງ.
ມາຣະໂກ 10:17
ພຣະຜູ້ຊ່ວຍໃຫ້ລອດໄດ້ເຕືອນຊາຍໜຸ່ມວ່າລາວຮູ້ພຣະບັນຍັດຂອງພຣະເຈົ້າແລ້ວ: ຢ່າຂ້າ, ຢ່າຕົວະ ຫລື ລັກຂະໂມຍ, ແລະ ໃຫ້ກຽດແກ່ພໍ່ແມ່ຂອງເຈົ້າ.
ມາຣະໂກ 10:19
ຊາຍໜຸ່ມຕອບວ່າລາວເຊື່ອຟັງພຣະບັນຍັດເຫລົ່ານີ້ສະເໝີ, ຕັ້ງແຕ່ລາວຍັງນ້ອຍ.
ມາຣະໂກ 10:20
ພຣະເຢຊູຫລຽວເບິ່ງຊາຍໜຸ່ມດ້ວຍຄວາມຮັກ. ພຣະອົງບອກລາວວ່າລາວຕ້ອງເຮັດອີກຢ່າງໜຶ່ງ. ລາວຕ້ອງຂາຍທຸກຢ່າງທີ່ລາວມີ, ມອບເງິນໃຫ້ຄົນຍາກຈົນ, ແລະ ກາຍເປັນຜູ້ຕິດຕາມພຣະເຢຊູ. ແລ້ວລາວຈະມີຊັບສົມບັດໃນສະຫວັນ!
ມາຣະໂກ 10:21
ຊາຍໜຸ່ມຄົນນັ້ນຮັ່ງມີຫລາຍ. ລາວບໍ່ຢາກມອບທຸກຢ່າງທີ່ລາວມີ. ລາວຍ່າງໜີໄປດ້ວຍຄວາມຮູ້ສຶກເສົ້າໃຈ.
ມາຣະໂກ 10:22
ພຣະເຢຊູກ່າວວ່າອູດໂຕໜຶ່ງຈະລອດຮູເຂັມກໍງ່າຍກວ່າຄົນຮັ່ງມີຜູ້ໜຶ່ງຈະເຂົ້າໄປໃນອານາຈັກຂອງພຣະເຈົ້າ. ພວກສາວົກຮູ້ສຶກແປກໃຈ. “ຖ້າຢ່າງນັ້ນຜູ້ໃດຈະລອດພົ້ນໄດ້?” ພວກເພິ່ນຖາມ. ພຣະເຢຊູໄດ້ອະທິບາຍວ່າເຮົາຕ້ອງໄວ້ວາງໃຈພຣະເຈົ້າເພື່ອຈະໄດ້ຮັບຄວາມລອດ. “ພຣະເຈົ້າຊົງເຮັດໄດ້ທຸກຢ່າງ,” ພຣະອົງກ່າວ.
ມາຣະໂກ 10:23–30