ກິດຈະການ 12:1–17
ທູດສະຫວັນປົດປ່ອຍເປໂຕອອກຈາກຄຸກ
ພຣະເຈົ້າຕອບຄຳອະທິຖານ
ກະສັດອົງໜຶ່ງຊື່ ເຮໂຣດ ບໍ່ມັກຊາວຄຣິດສະຕຽນ. ເພິ່ນໄດ້ຂ້າອັກຄະສາວົກຢາໂກໂບ. ແລ້ວເພິ່ນໄດ້ຈັບເປໂຕເຂົ້າຄຸກ. ເພິ່ນໄດ້ວາງທະຫານ 16 ຄົນໃຫ້ຍາມຄຸກ.
ກິດຈະການ 12:1–4
ເມື່ອສະມາຊິກຂອງສາດສະໜາຈັກໄດ້ຍິນເລື່ອງນີ້, ເຂົາເຈົ້າໄດ້ອະທິຖານ ແລະ ອະທິຖານຫາພຣະບິດາເທິງສະຫວັນເພື່ອເປໂຕ.
ກິດຈະການ 12:5
ຄືນໜຶ່ງ, ເປໂຕໄດ້ນອນຫລັບຢູ່. ເພິ່ນຖືກລ່າມໂສ້ສອງເສັ້ນໄວ້ລະຫວ່າງທະຫານສອງຄົນ.
ກິດຈະການ 12:6
ໃນທັນໃດນັ້ນ, ມີແສງສະຫວ່າງສ່ອງເຂົ້າໄປໃນຄຸກ, ແລະ ທູດສະຫວັນອົງໜຶ່ງກໍໄດ້ມາປະກົດຕົວ. “ລຸກຂຶ້ນໄວໆ,” ທູດສະຫວັນໄດ້ກ່າວ, ແລະ ໂສ້ກໍໄດ້ຫລຸດອອກຈາກມືຂອງເປໂຕ. ທູດສະຫວັນອົງນັ້ນໄດ້ບອກເປໂຕໃຫ້ຕາມເພິ່ນໄປ.
ກິດຈະການ 12:7–8
ເປໂຕໄດ້ຄິດວ່າເພິ່ນກຳລັງຝັນຢູ່. ເພິ່ນໄດ້ຕາມທູດສະຫວັນອົງນັ້ນຜ່ານຄົນຍາມໄປ. ປະຕູເຫລັກທີ່ນຳໄປສູ່ຕົວເມືອງກໍໄດ້ໄຂເອງ, ແລະ ເປໂຕ ແລະ ທູດສະຫວັນກໍໄດ້ຍ່າງຜ່ານມັນໄປ.
ກິດຈະການ 12:9–10
ທູດສະຫວັນອົງນັ້ນກໍໄດ້ຈາກໄປ, ແລະ ເປໂຕກໍໄດ້ຮູ້ສຶກຕົວວ່າເພິ່ນບໍ່ໄດ້ຝັນໄປ. ເພິ່ນກໍໄດ້ຮູ້ວ່າພຣະຜູ້ເປັນເຈົ້າໄດ້ສົ່ງທູດສະຫວັນມາຊ່ວຍກູ້ເອົາເພິ່ນໃຫ້ພົ້ນ.
ກິດຈະການ 12:10–11
ເປໂຕໄດ້ໄປທີ່ເຮືອນຂອງຜູ້ຍິງຄົນໜຶ່ງຊື່ ມາຣີ, ບ່ອນທີ່ສະມາຊິກຂອງສາດສະໜາຈັກຫລາຍຄົນໄດ້ມາເພື່ອອະທິຖານ. ເພິ່ນໄດ້ເຄາະປະຕູ.
ກິດຈະການ 12:12–13
ຍິງສາວຄົນໜຶ່ງຊື່ວ່າ ນາງໂຣດາ ໄດ້ໄປທີ່ປະຕູ. ເມື່ອນາງໄດ້ຍິນສຽງຂອງເປໂຕ, ນາງກໍດີໃຈທີ່ສຸດ! ນາງໄດ້ແລ່ນໄປບອກຄົນອື່ນ.
ກິດຈະການ 12:13–14
ເມື່ອນາງໂຣດາໄດ້ບອກທຸກຄົນວ່າ ເປໂຕໄດ້ຢູ່ທີ່ປະຕູ, ເຂົາເຈົ້າກໍບໍ່ເຊື່ອນາງ. ເປໂຕຍັງເຄາະປະຕູຕໍ່ໄປ.
ກິດຈະການ 12:15–16
ໃນທີ່ສຸດ, ເຂົາເຈົ້າກໍໄດ້ໄຂປະຕູ ແລະ ໄດ້ເຫັນວ່າມັນເປັນຄວາມຈິງ. ເປໂຕປອດໄພ! ພຣະຜູ້ເປັນເຈົ້າໄດ້ຕອບຄຳອະທິຖານຂອງເຂົາເຈົ້າ. ເປໂຕໄດ້ບອກທຸກຄົນວ່າ ພຣະຜູ້ເປັນເຈົ້າໄດ້ນຳເພິ່ນອອກມາຈາກຄຸກແນວໃດ.
ກິດຈະການ 12:16–17