ໂຢຮັນ 1:43–51
ໃຫ້ມາເບິ່ງເອົາ
ການເຊື້ອເຊີນໝູ່ເພື່ອນໃຫ້ຕິດຕາມພຣະເຢຊູ
ຊາຍຄົນໜຶ່ງຊື່ ຟີລິບ ເປັນຄົນໜຶ່ງໃນບັນດາຜູ້ຕິດຕາມຂອງພຣະເຢຊູ. ລາວຮູ້ວ່າພຣະເຢຊູເປັນພຣະຜູ້ຊ່ວຍໃຫ້ລອດ. ຟີລິບຢາກໃຫ້ໝູ່ຂອງລາວຄົນໜຶ່ງຊື່ ນະທານາເອັນ ມາຮູ້ກ່ຽວກັບພຣະເຢຊູເຊັ່ນກັນ.
ໂຢຮັນ 1:43–45
ນະທານາເອັນຮູ້ວ່າພຣະຄຳພີໄດ້ກ່າວວ່າ ພຣະເຈົ້າຈະສົ່ງພຣະຜູ້ຊ່ວຍໃຫ້ລອດມາ. ຟີລິບໄດ້ບອກລາວວ່າ ລາວໄດ້ພົບພຣະຜູ້ຊ່ວຍໃຫ້ລອດແລ້ວ—ຊື່ຂອງພຣະອົງແມ່ນ ພຣະເຢຊູ, ຈາກເມືອງນາຊາເຣັດ.
ໂຢຮັນ 1:45
ໃນຕອນທຳອິດ ນະທານາເອັນກໍບໍ່ເຊື່ອລາວ. ລາວບໍ່ໄດ້ຄິດວ່າ ພຣະຜູ້ຊ່ວຍໃຫ້ລອດຈະມາຈາກເມືອງນາຊາເຣັດ. “ມີສິ່ງດີອັນໃດ ມາຈາກນາຊາເຣັດບໍ?” ລາວໄດ້ຖາມ. ຟີລິບໄດ້ຕອບວ່າ, “ໃຫ້ມາເບິ່ງເອົາ.”
ໂຢຮັນ 1:46
ນະທານາເອັນໄດ້ໄປພົບພຣະເຢຊູກັບຟີລິບ. ເມື່ອພຣະເຢຊູໄດ້ເຫັນເຂົາເຈົ້າກຳລັງມາ, ພຣະອົງໄດ້ກ່າວວ່າ ນະທານາເອັນເປັນຄົນດີ ແລະ ຊື່ສັດ. ນະທານາເອັນກໍຕົກໃຈ. ລາວບໍ່ເຄີຍພົບພຣະເຢຊູມາກ່ອນ. ພຣະເຢຊູຮູ້ຈັກລາວໄດ້ແນວໃດ?
ໂຢຮັນ 1:47–48
ພຣະເຢຊູໄດ້ບອກນະທານາເອັນວ່າກ່ອນຟີລິບໄດ້ເວົ້າກັບລາວ, ພຣະເຢຊູໄດ້ເຫັນລາວນັ່ງຢູ່ກ້ອງຕົ້ນໝາກເດື່ອ.
ໂຢຮັນ 1:48
ບັດນີ້ນະທານາເອັນກໍໄດ້ຮູ້ວ່າ ພຣະເຢຊູເປັນພຣະບຸດຂອງພຣະເຈົ້າ. ພຣະເຢຊູໄດ້ບອກນະທານາເອັນວ່າລາວຈະໄດ້ເຫັນເຫດການອັນຍິ່ງໃຫຍ່—ເຊັ່ນເຫລົ່າທູດສະຫວັນສະເດັດລົງມາຈາກຟ້າສະຫວັນ—ທັງໝົດເປັນເພາະສັດທາຂອງລາວ.
ໂຢຮັນ 1:49–51