ມັດທາຍ 8:23–27; ມາຣະໂກ 4:36–41
ພຣະເຢຊູສັ່ງພະຍຸໃຫ້ສະຫງົບ
ແມ່ນແຕ່ລົມ ແລະ ທະເລກໍຍອມເຊື່ອຟັງພຣະອົງ
ມື້ໜຶ່ງ, ພຣະເຢຊູ ແລະ ພວກສາວົກຂອງພຣະອົງກຳລັງເດີນທາງໄປໃນເຮືອຢູ່ທີ່ທະເລຄາລີເລ. ລົມໄດ້ເລີ່ມພັດມາແຮງຫລາຍ. ຄື້ນທະເລກໍໄດ້ເລີ່ມຊັດເຂົ້າເຮືອ, ຈົນເຮັດໃຫ້ມັນເຕັມດ້ວຍນ້ຳ. ເຖິງຢ່າງໃດກໍຕາມ, ພຣະເຢຊູຊົງນອນຫລັບຢູ່ຢ່າງສະຫງົບສຸກ.
ມັດທາຍ 8:23–24
ພວກສາວົກກໍຢ້ານກົວ. ພວກເພິ່ນໄດ້ປຸກພຣະເຢຊູ. “ພຣະອົງເຈົ້າເອີຍ, ຊ່ວຍພວກຂ້ານ້ອຍແດ່ທ້ອນ,” ພວກເພິ່ນໄດ້ຮ້ອງ. ພວກເພິ່ນໄດ້ຄິດວ່າພວກເພິ່ນຈະຈົມລົງໄປໃນທະເລ.
ມັດທາຍ 8:25
“ເປັນຫຍັງພວກເຈົ້າຈຶ່ງຢ້ານ?” ພຣະເຢຊູໄດ້ຖາມ. ພຣະອົງໄດ້ບອກພວກສາວົກວ່າ ພວກເພິ່ນຈຳເປັນຕ້ອງມີສັດທາເພີ່ມອີກ. ແລ້ວພຣະອົງໄດ້ລຸກຂຶ້ນ ແລະ ກ່າວຕໍ່ລົມ ແລະ ຄື້ນວ່າ, “ງຽບສະຫງົບແມ.”
ມັດທາຍ 8:26; ມາຣະໂກ 4:39
ໃນທັນໃດນັ້ນ ພະຍຸກໍໄດ້ຢຸດ, ແລະ ທະເລນັ້ນກໍສະຫງົບລົງ. ພຣະເຢຊູ ແລະ ພວກສາວົກຂອງພຣະອົງກໍປອດໄພ. ພວກສາວົກຂອງພຣະເຢຊູກໍງຶດງໍ້ປະຫລາດໃຈ. ພວກເພິ່ນໄດ້ສົງໄສວ່າ ຄົນປະເພດໃດຈຶ່ງສາມາດບັນຊາລົມ ແລະ ທະເລໄດ້, ແລະ ມັນກໍເຊື່ອຟັງພຣະອົງ!
ມັດທາຍ 8:26–27