ມັດທາຍ 14:22–33
ການຍ່າງເທິງໜ້ານໍ້າ
ສັດທາເອົາຊະນະຄວາມຢ້ານກົວ
ພຣະເຢຊູຢາກມີເວລາຢູ່ຕາມລຳພັງເພື່ອອະທິຖານ. ພຣະອົງໄດ້ສົ່ງສານຸສິດຂອງພຣະອົງໄປໃນເຮືອ ເພື່ອໄປອີກຝັ່ງທະເລຄາລີເລ. ພຣະເຢຊູໄດ້ຂຶ້ນໄປອະທິຖານຢູ່ເທິງພູ.
ມັດທາຍ 14:22–23
ຄືນນັ້ນ, ລົມກໍແຮງ, ແລະ ຄື້ນກໍໃຫຍ່ສູງ. ພວກສານຸສິດຂອງພຣະເຢຊູໄດ້ເຮັດວຽກໜັກໝົດທັງຄືນ ເພື່ອພະຍາຍາມຈະເອົາເຮືອໄປອີກຝັ່ງຂອງທະເລ.
ມັດທາຍ 14:24–25
ເມື່ອກາງຄືນຂ້ອນຈະແຈ້ງແລ້ວ, ພວກສານຸສິດກໍໄດ້ເຫັນໃຜບາງຄົນກຳລັງຍ່າງຢູ່ເທິງໜ້ານ້ຳມາຫາພວກເພິ່ນ. ພວກເພິ່ນກໍຄິດວ່ານັ້ນແມ່ນຜີ, ແລະ ພວກເພິ່ນກໍຢ້ານກົວ. ນັ້ນບໍ່ແມ່ນຜີ; ນັ້ນແມ່ນພຣະເຢຊູ! ພຣະອົງໄດ້ເອີ້ນຫາພວກເພິ່ນວ່າ, “ຈົ່ງດີໃຈເຖີດ, ແມ່ນເຮົາເອງ; ຢ່າສູ່ຢ້ານ.
ມັດທາຍ 14:25–27
ເປໂຕໄດ້ຂໍໃຫ້ພຣະເຢຊູເຊື້ອເຊີນເພິ່ນໃຫ້ໄປຫາພຣະອົງຢູ່ເທິງໜ້ານ້ຳ. ພຣະເຢຊູໄດ້ກ່າວວ່າ, “ມາແມ!” ເປໂຕກໍໄດ້ອອກຈາກເຮືອ ແລະ ເລີ່ມຍ່າງຢູ່ເທິງໜ້ານໍ້າ, ເໝືອນດັ່ງພຣະເຢຊູ!
ມັດທາຍ 14:28–29
ແຕ່ເມື່ອເປໂຕໄດ້ເຫັນລົມພັດແຮງ ແລະ ຄື້ນທີ່ໃຫຍ່ສູງ, ເພິ່ນກໍຢ້ານກົວ. ເພິ່ນໄດ້ເລີ່ມຈະຈົມລົງໃນນ້ຳ. ເພິ່ນໄດ້ຮ້ອງອອກຫາພຣະເຢຊູວ່າ, “ພຣະອົງເຈົ້າເອີຍ ຊ່ວຍຂ້ານ້ອຍແດ່ທ້ອນ.”
ມັດທາຍ 14:30
ພຣະເຢຊູໄດ້ເດ່ພຣະຫັດອອກໄປ ແລະ ຈັບເອົາເປໂຕໄວ້. ພຣະອົງໄດ້ຖາມເປໂຕວ່າ ເປັນຫຍັງເພິ່ນຈຶ່ງສົງໄສແທນທີ່ຈະໄວ້ວາງໃຈໃນພຣະອົງຫລາຍຂຶ້ນ.
ມັດທາຍ 14:31
ເມື່ອພຣະເຢຊູ ແລະ ເປໂຕກັບຂຶ້ນເຮືອ, ລົມກໍເຊົາພັດ. ພວກສານຸສິດຕ່າງກໍງຶດງໍ້ປະຫລາດໃຈໂດຍສິ່ງທີ່ໄດ້ເກີດຂຶ້ນ. ພວກເພິ່ນຮູ້ວ່າພຣະເຢຊູເປັນພຣະບຸດຂອງພຣະເຈົ້າແທ້ໆ, ແລະ ພວກເພິ່ນກໍນະມັດສະການພຣະອົງ.
ມັດທາຍ 14:32–33