ມາຣະໂກ 2:1–12
ພຣະເຢຊູປິ່ນປົວຜູ້ຊາຍທີ່ຍ່າງບໍ່ໄດ້
ການປິ່ນປົວທາງຮ່າງກາຍ ແລະ ທາງວິນຍານ
ຫລາຍຄົນຢາກຟັງພຣະເຢຊູສິດສອນ. ມື້ໜຶ່ງ ພຣະອົງກຳລັງສິດສອນຢູ່ໃນເຮືອນທີ່ເຕັມໄປດ້ວຍຜູ້ຄົນ.
ມາຣະໂກ 2:1–2
ສີ່ຄົນໄດ້ມາທີ່ເຮືອນກັບໝູ່ຄົນໜຶ່ງຜູ້ທີ່ຍ່າງບໍ່ໄດ້. ເຂົາເຈົ້າຕ້ອງໄດ້ຫາມລາວມາໃນຕຽງ. ເຂົາເຈົ້າຢາກພາໝູ່ຂອງເຂົາເຈົ້າໄປຫາພຣະເຢຊູ, ແຕ່ເຮືອນຫລັງນັ້ນແອອັດຫລາຍ, ເຂົາເຈົ້າຈຶ່ງເຂົ້າໄປທາງໃນບໍ່ໄດ້.
ມາຣະໂກ 2:3–4
ສະນັ້ນ ເຂົາເຈົ້າຈຶ່ງໄດ້ຫາມໝູ່ຂອງເຂົາເຈົ້າຂຶ້ນໄປເທິງຫລັງຄາເຮືອນ. ເຂົາເຈົ້າໄດ້ຮື້ສ່ວນໜຶ່ງຂອງຫລັງຄາອອກ ແລະ ຢ່ອນໝູ່ຂອງເຂົາເຈົ້າ ແລະ ຕຽງຂອງລາວລົງໄປໃນເຮືອນ, ໃນທ່າມກາງກຸ່ມຜູ້ຄົນ, ຢູ່ຂ້າງໜ້າພຣະເຢຊູ.
ມາຣະໂກ 2:4
ເມື່ອພຣະເຢຊູໄດ້ເຫັນສັດທາຂອງເຂົາເຈົ້າ, ພຣະອົງໄດ້ກ່າວແກ່ຜູ້ຊາຍທີ່ຍ່າງບໍ່ໄດ້ວ່າ, “ລູກເອີຍຄວາມຜິດບາບຂອງເຈົ້າໄດ້ຮັບການອະໄພແລ້ວ.”
ມາຣະໂກ 2:5
ຜູ້ນຳຂອງຊາວຢິວບາງຄົນ, ເມື່ອເຂົາເຈົ້າໄດ້ຍິນສິ່ງນີ້, ກໍເລີ່ມບໍ່ພໍໃຈ. ເຂົາເຈົ້າໄດ້ຄິດວ່າ ມີພຽງແຕ່ພຣະເຈົ້າເທົ່ານັ້ນທີ່ສາມາດໃຫ້ອະໄພບາບໄດ້.
ມາຣະໂກ 2:6–7
ພຣະເຢຊູຮູ້ເຖິງສິ່ງທີ່ເຂົາເຈົ້າກຳລັງຄິດຢູ່. ເພື່ອຊ່ວຍເຂົາເຈົ້າໃຫ້ເຂົ້າໃຈວ່າ ພຣະອົງມີອຳນາດທີ່ຈະໃຫ້ອະໄພບາບ, ພຣະອົງຈຶ່ງໄດ້ກະທຳການມະຫັດສະຈັນ. ພຣະອົງໄດ້ບອກຊາຍທີ່ຍ່າງບໍ່ໄດ້ວ່າ, “ເຮົາສັ່ງເຈົ້າໃຫ້ລຸກຂຶ້ນ ຍົກເອົາບ່ອນນອນ ແລະ ເມືອເຮືອນສາ.” ຊາຍຄົນນັ້ນກໍໄດ້ຢືນຂຶ້ນ ແລະ ຍ່າງໄປ! ທຸກຄົນກໍງຶດງໍ້ປະຫລາດໃຈ ແລະ ໄດ້ຖວາຍຄວາມຂອບຄຸນແດ່ພຣະເຈົ້າ.
ມາຣະໂກ 2:8–12