نجات کے لیے یِسُوع مسِیح پر بھروسا کرنا

مُختلف جگہوں کے لوگ یِسُوع مسِیح کی کلِیسیا میں شامِل ہو رہے تھے۔ کلِیسیا کے اَرکان کو مُقدّسِین کہا جاتا تھا۔

رُومِیوں 1:‏7

کُچھ مُقدّسِین یہُودی تھے جو اب بھی مُوسیٰ کی شریعت کے پیروکار تھے۔ جب کہ دُوسرے یہُودی نہیں تھے۔ اُن کے مابین اِختلاف تھا کہ آیا اُنھیں مُوسیٰ کی شریعت کی پیروی کرنے کی ضرُورت ہے یا نہیں۔

رُومِیوں 2:‏14–15، 23–29

پَولُس جانتا تھا کہ مُقدّسِین ایسے سوالات رکھتے تھے۔ اُس نے روم میں مُقدّسِین کو خط لکھا۔ اُس نے اُنھیں بتایا کہ کوئی بھی شخص محض مُوسیٰ کی شریعت کی پیروی کرنے کی کوشش سے نجات نہیں پا سکتا۔ اُس نے وضاحت کی کہ، ہم سب گُناہ کرتے ہیں۔ نجات پانے کے لیے، ہر کسی کو یِسُوع مسِیح پر اِیمان لانے اور اُس کی پیروی کرنے کی ضرورت ہے۔

رُومیوں 3:‏20–23

پَولُس نے سِکھایا کہ خُدا نے یِسُوع مسِیح کو ہمارے گُناہ اپنے اُوپر لینے کے لیے بھیجا۔ یِسُوع کی قُربانی کی بدولت، ہم سب توبہ کر سکتے اور اپنے گُناہوں کی مُعافی پا سکتے ہیں۔

رُومیوں 3:‏24–31

پَولُس نے سِکھایا کہ یِسُوع مسِیح ہمیں مُعافی کا تُحفہ اور نیک کام کرنے کی طاقت عطا کرتا ہے۔ اِس محبّت بھرے تُحفے کو یِسُوع مسِیح کا فضل کہا جاتا ہے، اور یہ ہمیں اُمِّید اور خُوشی سے بھر دیتا ہے۔ پَولُس نے کہا کہ جب ہم بپتِسما لیتے ہیں، جیسا کہ یِسُوع نے لِیا تھا، تو یہ یِسُوع کے پیروکار کے طور پر ایک نئی زِندگی شُروع کرنے کی طرح ہے۔

رُومیوں 5:‏1–11؛ 6:‏3–6