پانی پر چلنا

یِسُوع چاہتا تھا کہ صِرف دُعا کرنے کے لیے کُچھ وقت تنہا گُزارے۔ اُس نے اپنے شاگِردوں کو کشتی پر گلیل کی جھیل کی دُوسری جانب بھیجا۔ یِسُوع پہاڑ پر دُعا کرنے گیا۔

متّی 14:‏22–23

اُس رات، آندھی بڑی تیز تھی، اور لہریں بہت بڑی بڑی تھیں۔ یِسُوع کے شاگِرد ساری رات کشتی کو جھیل کی دُوسری جانب لے جانے کی کوشش میں سخت محنت کرتے رہے۔

متّی 14:‏24–25

جب رات تقریبا ختم ہو گئی، تو شاگِردوں نے کسی کو پانی پر چلتے ہُوئے دیکھا۔ اُنھوں نے سوچا کہ یہ کوئی رُوح تھی، اور وہ خَوف زدہ ہو گئے تھے۔ یہ کوئی رُوح نہیں تھی؛ یہ یِسُوع تھا! اُس نے اُنھیں پُکارا، ”خاطِر جمع رکھّو، مَیں ہُوں، ڈرو مت۔“

متّی 14:‏25–27

پطرس نے یِسُوع سے کہا کہ وہ اُسے پانی پر اپنے پاس آنے کی دعوت دے۔ یِسُوع نے کہا، ”آ!“ پطرس کشتی سے باہر نِکلا اور یِسُوع کی مانِند، پانی پر چلنا شرُوع کر دِیا!

متّی 14:‏28–29

لیکن جب پطرس نے تیز ہَوا اور بڑی بڑی لہروں کو دیکھا، تو وہ ڈر گیا۔ وہ پانی میں ڈوبنے لگا۔ اُس نے یِسُوع کو پُکارا، ”اَے خُداوند مُجھے بچا۔“

متّی 14:‏30

یِسُوع نے ہاتھ بڑھا کر پطرس کو پکڑ لیا۔ اُس نے پطرس سے پوچھا کہ اُس نے مزید اُس پر توکل کرنے کی بجائے کیوں شک کِیا۔

متّی 14:‏31

جب یِسُوع اور پطرس کشتی میں واپس آئے، تو ہَوا تھم گئی۔ جو کُچھ ہُوا تھا اُس پر شاگِرد حیران تھے۔ وہ جانتے تھے کہ یِسُوع واقعی خُدا کا بیٹا تھا، اور اُنھوں نے اُس کو سجِدہ کِیا۔

متّی 14:‏32–33