مرتھا اور مریم

مرتھا بیت عنیاہ نامی گاؤں میں رہتی تھی۔ جب یِسُوع اور اُس کے شاگرد بیت عنیاہ میں آئے، تو مرتھا نے اپنے گھر میں اُن کا استقبال کیا۔

لُوقا 10:‏38

جب یِسُوع نے تعلیم دی، تو مرتھا مہمانوں کی خِدمت کرنے میں بہت مصروف تھی۔ اُس کی بہن، مریم، یِسُوع کے قریب بیٹھی تھی اور اُس کا کلام سُنتی تھی۔

لُوقا 10:‏39–40

مرتھا اِس بات سے خُوش نہیں تھی کہ وہ اکیلی سارا کام کر رہی تھی۔ اُس نے سوچا کہ یِسُوع کو سننے کی بجائے مریم کو مدد کرنی چاہیے۔ مرتھا نے یِسُوع سے کہا کہ وہ مریم کو اُس کی مدد کرنے کے لیے کہے۔

لُوقا 10:‏40

یِسُوع دیکھ سکتا تھا کہ مرتھا کتنی سخت محنت کر رہی تھی۔ اُس نے اُسے بتایا کہ اُس نے دیکھا ہے کہ وہ بہت سی چیزوں کے بارے فکر مند ہے۔

لُوقا 10:‏41

یِسُوع نے وضاحت کی کہ کچھ چیزیں دوسروں کی نسبت زیادہ اہم ہوتی ہیں۔ مریم نے، اُس نے کہا، اُس کے کلام کو سننے کا اچھا انتخاب کیا تھا۔ جو باتیں وہ یِسُوع سے سیکھ رہی تھی وہ کبھی اُس سے نہیں لی جائیں گی۔

لُوقا 10:‏42