آئیں اور دیکھیں

فِلپّس نامی شخص یِسُوع کے شاگِردوں میں سے ایک تھا۔ وہ جانتا تھا کہ یِسُوع ہی نجات دہندہ ہے۔ فِلپّس چاہتا تھا کہ اُس کا دوست نتن ایل بھی یِسُوع کے بارے جان لے۔

یُوحنّا 1:‏43–45

نتن ایل جانتا تھا کہ صحائف میں کہا گیا ہے کہ خُدا نجات دہندہ بھیجے گا۔ فِلپّس نے اُسے بتایا کہ اُس نے نجات دہندہ کو ڈُھونڈ لِیا ہے—اُس کا نام یِسُوع ہے، وہ ناصرت سے ہے۔

یُوحنّا 1:‏45

پہلے پہل نتن ایل نے اُس پر یقین نہ کِیا۔ وہ سوچتا تھا کہ نجات دہندہ ناصرت سے نہیں ہو سکتا ہے۔ ”کیا ناصرت سے کوئی اچھّی چِیز نِکل سکتی ہے؟“ اُس نے سوال کِیا۔ فِلپّس نے جواب دیا، ”چل کر دیکھ لے۔“

یُوحنّا 1:‏46

نتن ایل یِسُوع سے ملنے کے لیے فِلپّس کے ساتھ گیا۔ جب یِسُوع نے اُنھیں اپنی طرف آتے دیکھا، تو اُس نے کہا کہ نتن ایل نیک اور دیانت دار آدمی ہے۔ نتن ایل حیران ہوگیا۔ وہ یِسُوع سے پہلے کبھی نہیں مِلا تھا۔ یِسُوع اُسے کیسے جانتا تھا؟

یُوحنّا 1:‏47–48

یِسُوع نے نتن ایل کو بتایا کہ فِلپّس سے اِس سے بات کرنے سے پہلے، یِسُوع نے اُسے انجیر کے درخت کے نیچے بیٹھے دیکھا تھا۔

یُوحنّا 1:‏48

اب نتن ایل جان گیا تھا کہ یِسُوع خُدا کا بیٹا ہے۔ یِسُوع نے نتن ایل کو بتایا کہ وہ عظیم اُلشان ماجرے دیکھے گا—مثلاً آسمان سے فرِشتوں کا اُترنا—سب کُچھ اُس کے اِیمان کی بدولت۔

یُوحنّا 1:‏49–51