یِسُوع اَندھے کو شِفا دیتا ہے

بیت صیدا نامی ایک شہر میں، لوگ ایک اندھے کو یِسُوع کے پاس لائے۔ وہ چاہتے تھے کہ یِسُوع اُسے برکت دے تاکہ وہ دیکھ سکے۔

مرقس 8:‏22

یِسُوع نے اُس شخص کا ہاتھ پکڑا اور اُسے شہر سے باہر لے گیا۔ پھر یِسُوع نے اپنے ہاتھ اُس آدمی پر رکھے اور اُسے برکت دی۔

مرقس 8:‏23

یِسُوع نے اُس شخص سے پوچھا کیا وہ کچھ دیکھ سکتا ہے۔ اُس شخص نے اوپر دیکھا۔ اُس نے کہا کہ وہ تھوڑا سا دیکھ سکتا ہے، لیکن بہت واضح نہیں۔ اُس نے کہا کہ لوگ چلتے ہوئے درختوں کی مانند لگ رہے تھے۔

مرقس 8:‏23–24

یِسُوع نے اُس شخص کو دوبارہ برکت دی۔ اِس بار، جب اُس نے اوپر دیکھا، تو سب کچھ واضح ہو گیا تھا۔ یِسُوع نے اُسے شِفا دی تھی!

مرقس 8:‏25