یِسُوع عَورت کو مُعاف کرتا ہے

شمعُون نامی ایک شخص نے یِسُوع کو اپنے گھر آنے اور اُس کے ساتھ کھانے کی دعوت دی تھی۔ شمعُون فرِیسی نامی راہ نماؤں کے گروہ میں سے ایک تھا۔

لُوقا 7:‏36

جب وہ کھانا کھا رہے تھے، تو ایک عَورت شمعُون کے گھر آئی۔ اُس نے سُنا تھا کہ یِسُوع وہاں موجُود تھا۔ وہ اُس کے لیے اپنے تشکُر اور محبّت کا اِظہار کرنا چاہتی تھی۔

لُوقا 7:‏37

جب اُس نے یِسُوع کو دیکھا تو وہ عَورت روئی تھی۔ اپنے آنسوؤں سے اُس کے پاؤں دھوئے تھے۔ پھر اُس نے اپنے بالوں سے اُس کے پاؤں صاف کِیے تھے۔ وہ اُس کے پاؤں چومتی تھی اور اُن پر عِطر ڈالتی تھی۔

لُوقا 7:‏38

شمعُون جانتا تھا کہ وہ عَورت بدچلن تھی۔ اُس نے گُمان کِیا کہ اگر یِسُوع واقعی مردِ خُدا ہوتا، تو وہ جان لیتا کہ یہ عَورت گُناہ گار ہے، اور وہ اُس کو چھُونے نہ دیتا۔

لُوقا 7:‏39

یِسُوع کو معلُوم تھا کہ شمعُون کیا سوچ رہا تھا۔ اُس نے شمعُون کو بتایا کہ اِس عَورت نے اُس کے پاؤں اِس لیے دھوئے ہیں کیوں کہ وہ اُس سے بڑی محبّت کرتی تھی۔ عام طور پر، مہمانوں کو پاؤں دھونے کے لیے پانی دِیا جاتا تھا۔ شمعُون نے یِسُوع سے محبّت ظاہر کرنے کے لیے اَیسا کُچھ نہیں کِیا تھا۔

لُوقا 7:‏40–47

یِسُوع نے اُس عَورت کو بتایا کہ اُسے اُس کے گُناہوں کی مُعافی اِس لیے مِل گئی ہے کیوں کہ اُس نے یِسُوع سے محبّت رکھی اور اُس پر اِیمان لائی تھی۔ اُس نے اُسے کہا تھا کہ وہ سلامتی سے جا سکتی ہے۔

لُوقا 7:‏47–50