پَولُس اور سِیلاس

خُداوند نے پَولُس اور سِیلاس کو اِکٹھے اِنجِیل کی مُنادی کرنے کے لیے بُلایا۔ اُنھوں نے بُہت سے شہروں کا سفر کِیا تاکہ دیکھ سکیں کہ وہاں کی کلِیسیائیں کیسی چل رہی ہیں۔

اَعمال 15:‏40–41؛ 16:‏4–8

ایک رات، پَولُس نے رویا میں دیکھا، کہ ایک مَکدُنی آدمی کھڑا ہُوا اُس کی مِنت کر کے کہتا ہے کہ پار اُتر کر مَکدُنیہ میں آ اور ہماری مدد کر۔ پَولُس اور سِیلاس اُسی وقت وہاں سے نکل پڑے۔ وہ جانتے تھے کہ خُدا چاہتا تھا کہ وہ وہاں جائیں۔

اَعمال 16:‏9–10

جب وہ مَکدُنیہ پُہنچے، تو لُدیہ نامی ایک عورت نے اُنھیں تعلیم دیتے سُنا۔ خُداوند نے لُدیہ کا دِل کھول دِیا۔ وہ اُس کلام پر اِیمان لائی جو پَولُس نے سِکھایا اور اُس نے بپتِسما پایا۔

اَعمال 16:‏13–15

لُدیہ نے پَولُس اور سِیلاس سے درخواست کی کہ جب تک وہ وہاں ہیں وہ اُس کے گھر میں قیام کر سکتے ہیں۔

اَعمال 16:‏15

مگر ہر کوئی اِس بات سے خُوش نہ تھا کہ پَولُس اور سِیلاس وہاں موجُود ہیں۔ بعض لوگ اُن باتوں کو ناپسند کرتے تھے جن کی پَولُس اور سِیلاس تعلیم دے رہے تھے۔ وہ پَولُس اور سِیلاس کو کھینچ کر چَوک میں حاکِموں کے پاس لے گئے اور شہر کے راہ نُماؤں سے کہا کہ یہ آدمی ہمارے شہر میں بڑی کھلبلی مچا رہے ہیں۔

اَعمال 16:‏16–21

لوگ پَولُس اور سِیلاس سے ناراض تھے۔ شہر کے راہ نُماؤں نے پَولُس اور سِیلاس کے کپڑے پھاڑ کر اُتار ڈالے اور اُن کو مارنے کا حُکم دِیا۔

اَعمال 16:‏22–23

تب شہر کے حاکِموں نے پَولُس اور سِیلاس کو قید خانہ میں پھینک دِیا۔ اُنھوں نے اُن کے پاؤں باندھ دِیے اور اُن پر پہرے دار بٹھا دِیے۔

اَعمال 16:‏23–24

اُس رات، پَولُس اور سِیلاس دُعا کر رہے اور خُدا کی حمد کے گیت گا رہے تھے جب کہ دُوسرے قیدی اُنھیں سُن رہے تھے۔ اچانک، زمین ہلنے لگی۔ قید خانہ کے دروازے کھُل گئے، اور بیڑیاں کھُل گئیں۔

اَعمال 16:‏25–26

جب داروغہ جاگا اور دیکھا کہ قید خانے کے دروازے کھُلے ہیں۔ اُس نے خیال کیا کہ قیدی بھاگ گئے ہیں اور وہ اِس غفلت کی وجہ سے بڑی مُصیبت میں پھنس جائے گا۔ پَولُس نے داروغہ کو بتاتا کہ ڈرو مت۔ سب قیدی یہاں موجُود ہیں۔

اَعمال 16:‏27–28

داروغہ خوفزدہ تھا۔ وہ پَولُس اور سِیلاس کے سامنے گِر پڑا اور پُوچھا، ”مَیں کیا کرُوں کہ نجات پاؤں؟“ اُنھوں نے کہا، ”خُداوند یِسُوع مسِیح پر اِیمان لا۔“

اَعمال 16:‏27–31

پَولُس اور سِیلاس نے داروغہ اور اُس کے خاندان کو اِنجِیل کی تعلیم دی۔ داروغہ نے پَولُس اور سِیلاس کے زخم دھوئے۔ اُسی رات، اُس نے اور اُس کے خاندان نے بپتِسما لِیا!

اَعمال 16:‏32–33