Marta at Maria

Pagpili ng pinakamahalaga

Malugod na tinatanggap ni Marta si Jesus at ang Kanyang mga disipulo.

Nakatira si Martha sa isang nayon na tinatawag na Betania. Nang dumating si Jesus at ang Kanyang mga disipulo sa Betania, malugod silang tinanggap ni Marta sa kanyang tahanan.

Lucas 10:38

Inaasikaso ni Marta ang kanyang mga panauhin.

Habang nagtuturo si Jesus, abalang-abala si Marta sa pag-aasikaso sa kanyang mga panauhin. Ang kapatid niyang si Maria ay naupo malapit kay Jesus at nakinig sa Kanyang mga salita.

Lucas 10:39–40

Hindi masaya si Marta na ginagawa niyang mag-isa ang lahat ng gawain. Inisip niya na dapat tumulong si Maria sa halip na makinig kay Jesus. Hiniling ni Marta kay Jesus na sabihin kay Maria na tulungan siya.

Lucas 10:40

Nakita ni Jesus kung gaano kasipag si Marta. Sinabi niya sa kanya na napansin Niya na nag-aalala siya tungkol sa maraming bagay.

Lucas 10:41

Tinuturuan ni Jesus sina Marta at Maria.

Ipinaliwanag ni Jesus na may ilang bagay na mas mahalaga kaysa sa iba. Si Maria, sabi Niya, ay nakagawa ng mabuting pasiya na makinig sa Kanyang mga salita. Ang mga bagay na natututuhan niya mula kay Jesus ay hindi kailanman maaalis sa kanya.

Lucas 10:42