Nagpatotoo si Jesus tungkol sa Kanyang Misyon

Nagpunta si Jesus sa Nazaret, kung saan nakatira ang Kanyang pamilya at mga kaibigan. Iyon ang lugar kung saan Siya lumaki. Sa araw ng Sabbath, nagpunta Siya sa sinagoga, kung saan pinag-aaralan ng mga tao ang mga banal na kasulatan at sinasamba ang Diyos.

Lucas 4:16–17

Sa sinagoga, tumayo si Jesus at nagbasa ng isang talata mula sa propetang si Isaias. Sinabi sa banal na kasulatan na balang araw ay darating ang isang Tagapagligtas. Ipangangaral niya ang ebanghelyo sa mga maralita at pagagalingin ang mga bagbag na puso. Tutulungan niya ang mga bulag at ang mga nasaktan.

Isaias 61:1–2; Lucas 4:17–19

Tinapos ni Jesus ang pagbabasa at umupo. Ang lahat ay nakatingin sa Kanya. Sinabi niya sa kanila na sa mismong araw na iyon, ang banal na kasulatan na binasa Niya ay nagkatotoo. Siya ang Tagapagligtas.

Lucas 4:21

Nagulat nang husto ang mga tao sa Nazaret sa sinabi ni Jesus. Paano magiging Tagapagligtas si Jesus? Inakala nila na Siya ay anak lamang nina Maria at Jose at hindi ang Anak ng Diyos. Para sa kanila, tila regular na tao Siya.

Lucas 4:22

Alam ni Jesus na nais ng mga tao na gumawa Siya ng himala upang patunayan na Siya ang Tagapagligtas. Itinuro niya na ang mga himala ay para sa mga taong naniniwala, at kung minsan ay naghimala ang Diyos para sa mga hindi kabilang sa Israel dahil mas malakas ang kanilang pananampalataya. Ang ilan sa mga tao sa sinagoga ay nagalit kay Jesus.

Lucas 4:23–28

Pinuwersa nila Siya palabas ng lungsod at hanggang sa tuktok ng burol. Gusto nilang ihagis Siya mula sa burol.

Lucas 4:28–29

Ngunit nakalayo si Jesus sa mga galit na tao.

Lucas 4:30

Dahil ayaw sa Kanya ng mga nasa Nazaret, nagpunta si Jesus sa ibang lungsod para magturo.

Lucas 4:31–32