Isinilang si Juan Bautista—Tinupad ng Diyos ang pangako kay Elizabeth at Zacarias

Lucas 1:5–25, 57–80

Isinilang si Juan Bautista

Tinupad ng Diyos ang pangako kay Elizabeth at Zacarias

Nagdarasal sina Zacarias at Elizabeth na magkaroon ng anak.

Sina Zacarias at Elizabeth ay matatapat na tao na nagmamahal sa Diyos. Ipinagdasal nilang magkaroon ng sanggol. Ngayon ay napakatanda na nila, at wala pa rin silang mga anak.

Lucas 1:5–7

Si Zacarias ay isang saserdote na naglingkod sa templo sa Jerusalem. Isang araw, siya ang napiling magsunog ng insenso sa isang sagradong silid sa templo.

Lucas 1:8–10

Isang anghel ang nagpakita kay Zacarias.

Biglang nagpakita ang isang anghel. Natakot si Zacarias. Sabi ng anghel, “Huwag kang matakot, Zacarias, sapagkat pinakinggan ang panalangin mo.” Sinabi niya na sina Zacarias at Elizabeth ay magkakaroon ng anak na lalaki. Juan ang dapat nilang ipangalan sa kanya. Sinabi ng anghel na may mahalagang gawain si Juan. Tutulungan Niya ang mga tao na maging handang tanggapin ang Tagapagligtas pagdating Niya.

Lucas 1:12–17

Si Zacarias na nakikipag-usap sa anghel.

Hindi makapaniwala si Zacarias sa sinabi ng anghel. Siya at si Elizabeth ay masyado nang matanda para magkaanak. Sinabi ng anghel na dahil hindi naniniwala si Zacarias sa kanyang mensahe, hindi siya makapagsasalita hangga’t hindi isinisilang si Juan.

Lucas 1:18–20

Si Zacarias na lumalabas sa templo. Hindi siya makapagsalita.

Nagtaka ang mga tao kung bakit napakatagal ni Zacarias sa loob ng templo. Sa kanyang pag-alis, hindi siya makapagsalita. Masasabi nilang may isang espesyal na bagay na nangyari.

Lucas 1:21–23

Sina Elizabeth at Zacarias na hawak ang kanilang bagong silang na sanggol.

Makalipas ang ilang buwan, nagkaroon nga ng sanggol si Elizabeth, tulad ng ipinangako ng anghel. Masayang-masaya ang kanilang pamilya at mga kaibigan! Dumating sila para makita ang sanggol.

Lucas 1:57–59

Sina Elizabeth at Zacarias na nagbibigay ng pangalan sa sanggol.

Inakala nila na ang sanggol ay papangalanang Zacarias, tulad ng kanyang ama. Sabi ni Elizabeth, “Siya ay tatawaging Juan.” Tinanong nila si Zacarias, na hindi pa rin makapagsalita. Isinulat niya, “Ang pangalan niya ay Juan.” Nabigla ang lahat.

Lucas 1:59–63

Sinasabi ni Zacarias na ang sanggol ay magiging isang propeta.

Biglang nakapagsalitang muli si Zacarias. Pinasalamatan niya ang Diyos at napuspos siya ng Espiritu Santo. Sinabi niya sa lahat na naaalala ng Diyos ang Kanyang mga pangako sa Kanyang mga tao. Sinabi niya na si Juan ay magiging isang propeta. Tuturuan ni Juan ang mga tao na magsisi at magpabinyag. Tutulungan niya silang maging handa na matuto mula kay Jesucristo.

Lucas 1:64–80