Marcos 2:1–12
Pinagaling ni Jesus ang Isang Lalaking Hindi Makalakad
Pisikal at espirituwal na pagpapagaling
Maraming tao ang gustong marinig ang pagtuturo ni Jesus. Isang araw, Siya ay nagturo sa isang bahay na puno ng mga tao.
Marcos 2:1–2
Apat na tao ang nagpunta sa bahay kasama ang isang kaibigang hindi makalakad. Kinailangan nila siyang buhatin sa isang kama. Gusto nilang dalhin ang kanilang kaibigan kay Jesus, pero napakaraming tao sa bahay kaya hindi sila makapasok.
Marcos 2:3–4
Kaya dinala nila ang kanilang kaibigan sa bubong ng bahay. Inalis nila ang isang bahagi ng bubong at ibinaba ang kanilang kaibigan at ang kama nito sa bahay, sa gitna ng mga tao, sa harapan ni Jesus.
Marcos 2:4
Nang makita ni Jesus ang kanilang pananampalataya, sinabi Niya sa lalaking hindi makalakad, “Anak, pinatatawad na ang iyong mga kasalanan.”
Marcos 2:5
Nang marinig ito ng ilang pinuno ng mga Judio, nagalit sila. Naisip nila na tanging Diyos lamang ang makapagpapatawad ng mga kasalanan.
Marcos 2:6–7
Alam ni Jesus ang iniisip nila. Upang matulungan silang maunawaan na siya ay totoong may kapangyarihang magpatawad ng mga kasalanan, gumawa Siya ng isang himala. Sinabi niya sa lalaking hindi makalakad, “Tumayo ka, damputin mo ang iyong higaan, at umuwi ka.” Tumayo ang lalaki at lumakad! Ang lahat ay namangha at nagpasalamat sa Diyos.
Marcos 2:8–12