Si Jesus, Isang Babae, at Isang Balon

Pagtuturo tungkol sa tubig na buhay

Si Jesus na tumitigil sa isang balon para makakuha ng tubig.

Naglakad si Jesus at ang Kanyang mga disipulo sa Samaria patungong Galilea. Tumigil sila para kumuha ng tubig sa isang balon. Habang nagpapahinga si Jesus doon, bumili ng pagkain ang Kanyang mga disipulo.

Juan 4:3–8

Humihingi si Jesus ng maiinom na tubig mula sa isang babae sa may balon.

Isang babae mula sa Samaria ang dumating sa balon upang punuin ang kanyang palayok ng tubig. Humingi si Jesus ng inumin. Nagulat ang babae. Si Jesus ay isang Judio, at karamihan sa mga Judio ay hindi nakikipag-usap sa mga Samaritano.

Juan 4:7–9

Tinuturuan ni Jesus ang babae tungkol sa ebanghelyo.

Sinabi sa kanya ni Jesus na muling nauuhaw ang mga taong umiinom ng tubig mula sa balon. Ngunit maibibigay Niya sa kanya ang “tubig na buhay” ng buhay na walang hanggan, at hindi na siya mauuhaw kailanman. Sinabi ng babae na gusto niya ng “tubig na buhay.”

Juan 4:10–14

Sinasabi ni Jesus sa babae na tawagin ang kanyang asawa.

Sinabi sa kanya ni Jesus na tawagin ang kanyang asawa. “Wala akong asawa,” sabi niya. Sinabi ni Jesus na mayroon siyang limang asawa, at ang lalaking kinakasama niya ay hindi ang kanyang asawa.

Juan 4:16–18

Sinasabi ni Jesus sa babae na Siya ang Tagapagligtas.

Nagulat ang babae na alam ni Jesus ang mga bagay na ito tungkol sa kanya. Sinabi niya na alam niya na hindi magtatagal at darating na ang isang Tagapagligtas. Sinabi sa kanya ni Jesus na Siya ang Tagapagligtas.

Juan 4:19, 25–26

Nagtuturo si Jesus sa mas maraming tao sa may balon.

Iniwan ng babae ang kanyang palayok ng tubig sa balon at nagpunta sa lungsod. Sinabi niya sa maraming tao na natagpuan niya ang Tagapagligtas. Inanyayahan niya silang puntahan Siya at pakinggan Siyang magturo. Dahil sa babaeng ito, maraming Samaritano ang naniwala kay Jesucristo.

Juan 4:28–29, 39–42