Letrat drejtuar Timoteut

Pali këshillon mikun e tij të ri në moshë

Timoteu duke u mësuar nga nëna dhe gjyshja e tij.

Timoteu ishte një djalë i ri me besim të fortë te Jezu Krishti. Nëna e tij, Eunika, dhe gjyshja e tij, Loida, ishin gjithashtu gra me besim të madh. Ato i dhanë mësim Timoteut nga shkrimet e shenjta, madje që kur ishte fëmijë.

2 Timoteut 1:5; 3:15

Pali dhe Timoteu duke ecur së bashku. Pali po mban mbi kokë një mbulesë për t’u mbrojtur nga shiu.

Timoteu dhe Pali ishin miq të mirë. Ata kishin punuar dhe udhëtuar së bashku, duke i shërbyer Zotit dhe duke shpërndarë ungjillin e Tij. Pali e donte Timoteun si birin e vet.

Filipianëve 2:19–22; 1 Timoteut 1:2

Pali duke udhëzuar Timoteun që të shkonte në Efes për të udhëhequr Kishën atje.

Pali i kërkoi Timoteut që të udhëhiqte Kishën në Efes. Palit i duhej të shkonte në një qytet tjetër. Ndërkohë që ishte larg, ai i shkroi Timoteut një letër për ta ndihmuar.

1 Timoteut 1:1–3

Timoteu vëren njerëz, të cilët nuk e pranojnë ungjillin.

Më vonë, kur Pali ishte në burg në Romë, ai i shkroi Timoteut një letër tjetër. Ai e paralajmëroi Timoteun se do të vinin kohë të vështira. Disa njerëz do të largoheshin nga e vërteta dhe do t’i donin gjërat e botës më shumë sesa Perëndinë. Ata do të jepnin mësim gjëra që nuk janë të vërteta.

2 Timoteut 3:1–7; Titit 4:3–4

Timoteu duke i dhënë mësim një grupi shenjtorësh rreth ungjillit.

Pali i tha Timoteut të mos kishte frikë. Ai tha: “Perëndia nuk na ka dhënë frymë frike, por force, dashurie”. Pali i tha Timoteut që të vazhdonte duke bërë gjërat që kishte mësuar. Shkrimet e shenjta do ta çonin atë drejt Jezu Krishtit.

2 Timoteut 1:7–9; 3:14–17

Pali e dinte se jeta e tij shpejt do të mbaronte. Por ai nuk kishte frikë të vdiste. Pali i tha Timoteut se, ndonëse kishte kaluar përmes shumë sfidave në jetën e tij, ai e kishte mbajtur të fortë besimin e vet. Kishte mirëbesuar se Ati Qiellor dhe Jezu Krishti do t’i jepnin atij jetë të përjetshme.

2 Timoteut 4:6–8