Pali e Krahason Trupin Tonë me Tempullin

Dhuratë e shenjtë nga Perëndia

Pali duke u mësuar njerëzve në Korint për Jezusin.

Korinti ishte një qytet i madh pranë detit. Qyteti kishte shumë njerëz që nuk e adhuronin Perëndinë. Pali u dha mësim njerëzve në Korint për Jezusin. Shumë njerëz besuan dhe u pagëzuan.

Veprat e Apostujve 18:8–11

Disa njerëz, të cilët nuk po i ndjekin urdhërimet.

Pasi Pali u largua, ai dëgjoi se anëtarët e Kishës po hasnin disa probleme. Shumë njerëz në Korint nuk po i ndiqnin urdhërimet e Perëndisë rreth mënyrës se si ta trajtonin ose përdornin trupin e tyre.

1 Korintasve 6:13–18

Pali duke shkruar një letër për të shpjeguar se trupi ynë është si tempull.

Pali u shkroi atyre një letër. Ai tha se trupi ynë është si tempulli i Perëndisë. Ne e trajtojmë tempullin me respekt, sepse ai është shtëpia e Perëndisë. Ne gjithashtu duhet ta trajtojmë trupin me respekt, sepse ai është një dhuratë nga Perëndia.

1 Korintasve 6:19–20

Ati Qiellor dëshiron që ne të zgjedhim të bëjmë gjëra të mira me trupin tonë. Kur e bëjmë këtë gjë, ne mund të kemi Frymën e Shenjtë me ne.

1 Korintasve 6:19

Një familje duke folur rreth Shlyerjes së Jezu Krishtit. Pali në plan të parë.

Pali tha se Jezu Krishti e pagoi çmimin për ne nëpërmjet vuajtjes së Tij. Ne e tregojmë dashurinë tonë për Jezusin duke bërë zgjedhje të mira për trupin dhe duke i zbatuar urdhërimet e Tij. Ne i tregojmë Perëndisë se jemi mirënjohës për dhuratën e mrekullueshme të trupit duke e trajtuar atë si tempull.

1 Korintasve 6:20