Veprat e Apostujve 6–7
Stefani Dëshmon për Jezu Krishtin
Një shërbëtor trim jep jetën për dëshminë e tij
Kisha po rritej me shpejtësi. Po bëhej më e vështirë për Apostujt të kujdeseshin për të gjithë anëtarët.
Veprat e Apostujve 6:1–2
Apostujt vendosën të thërrisnin shtatë burra që mund të ndihmonin. Ata u kërkuan anëtarëve të kërkonin burra që ishin të mençur dhe të mbushur me Frymën e Shenjtë.
Veprat e Apostujve 6:3
Njëri nga njerëzit që ata zgjodhën, ishte Stefani. Apostujt i dhanë atij një bekim. Stefani kishte shumë besim dhe bëri mrekulli të mëdha mes njerëzve.
Veprat e Apostujve 6:5–8
Stefani dha mësim rreth Jezu Krishtit me urtësi dhe me Shpirtin. Mirëpo udhëheqësve të sinagogës nuk u pëlqenin gjërat që ai po jepte mësim. Ata thanë se ai po fliste kundër Moisiut dhe kundër Perëndisë. Ata e çuan Stefanin para priftit të lartë dhe udhëheqësve të tjerë.
Veprat e Apostujve 6:9–15; 7:1
Fytyra e Stefanit dukej si fytyra e një engjëlli. Ai u kujtoi udhëheqësve se Perëndia dërgoi Moisiun për të shpëtuar izraelitët, por ata nuk e ndiqnin gjithmonë Moisiun. Stefani tha që Moisiu ishte si Jezu Krishti. Perëndia e dërgoi Jezusin për të shpëtuar popullin e Tij, por udhëheqësit nuk e ndoqën Atë. Udhëheqësit u zemëruan me Stefanin.
Veprat e Apostujve 7:20–43, 51–54
I mbushur me Frymën e Shenjtë, Stefani vështroi nga qielli. Ai pa Jezu Krishtin duke qëndruar në krah të Atit Qiellor.
Veprat e Apostujve 7:55–56
Kur Stefani u tregoi udhëheqësve atë që ai pa, ata u nxehën akoma më shumë. Ata bërtitnin nga zemërimi dhe e kapën Stefanin. Pastaj e nxorën zvarrë jashtë qytetit.
Veprat e Apostujve 7:57
Ata shtruan tunikat e tyre te këmbët e një burri që quhej Saul. Pastaj e gjuajtën me gurë Stefanin derisa e vranë. Sauli e miratoi atë që ata po bënin. Stefani u lut. Ai i kërkoi Zotit t’i falte njerëzit që po i bënin keq. Ai i kërkoi Zotit gjithashtu ta merrte shpirtin e tij në parajsë.
Veprat e Apostujve 7:59–60; 8:1