Njerëzit Duan të Ndëshkojnë një Grua që Mëkatoi

Një mëngjes herët, Jezu Krishti shkoi në tempull në Jerusalem. Shumë njerëz u grumbulluan përreth Tij që ta dëgjonin Atë të jepte mësim.

Gjoni 8:1–2

Ndërkohë që Jezusi jepte mësim, disa udhëheqës judeas sollën një grua te Jezusi. Atë e kishin zënë duke shkelur njërin prej urdhërimeve të Perëndisë. Sipas ligjit, gruaja duhej të ndëshkohej me vdekje nëpërmjet njerëzve që e goditnin me gurë.

Gjoni 8:3–5

Njerëzit e pyetën Jezusin se çfarë duhej t’i ndodhte asaj. Ata po përpiqeshin ta zinin me dredhi Jezusin. Ata e dinin se Ai nuk do të donte që gruas t’i bëhej keq. Por nëse Jezusi thoshte që gruaja nuk duhej të ndëshkohej, atëherë ata mund të thoshin se Ai nuk po i bindej ligjit.

Gjoni 8:6

Por Jezusi nuk iu përgjigj atyre. Ai u përkul përtokë dhe shkroi në dhe. Njerëzit e pyetën përsëri Atë se çfarë duhej të bënin.

Gjoni 8:6–7

Në fund, Jezusi u ngrit në këmbë dhe vështroi përreth drejt njerëzve. Ai tha se, në qoftë se ndonjëri prej tyre nuk kishte mëkatuar kurrë, ai mund t’i hidhte i pari një gur asaj.

Gjoni 8:7

Më pas, Jezusi u përkul përsëri dhe vazhdoi të shkruante në dhe. Të gjithë njerëzit e dinin se edhe ata kishin mëkate. Një nga një ata u larguan.

Gjoni 8:8–9

Jezusi vështroi përreth dhe pa vetëm gruan duke qëndruar atje. Ai e pyeti se ku shkuan të gjithë njerëzit që donin ta ndëshkonin. Ajo i tha Atij se ata të gjithë ishin larguar. Jezusi i tha gruas: “Shko dhe mos mëkato më”. Që nga ajo kohë gruaja besoi te Jezusi.

Gjoni 8:9–11.