Djali Jezus

Jezusi u rrit në qytetin e Nazaretit me Marien dhe Jozefin. Me kalimin e kohës, Ai mësoi më shumë e më shumë rreth Atit Qiellor. Ai u përgatit për punën që Ati Qiellor dëshironte që Ai të bënte.

Lluka 2:39–40; Doktrina e Besëlidhje 93:12–14

Kur Jezusi ishte 12 vjeç, Ai shkoi në Jerusalem me familjen dhe miqtë për të kremtuar Pashkën Judease. Ata qëndruan atje për disa ditë.

Lluka 2:41–43

Rrugës për në shtëpi, Jozefi dhe Maria e vunë re se Jezusi nuk ishte me ta. Ata u kthyen në Jerusalem për ta kërkuar Atë. Ata ishin shumë të shqetësuar.

Lluka 2:44–46

Pasi kërkuan për tri ditë, Maria dhe Jozefi më së fundi e gjetën Jezusin. Ai ishte në tempull duke folur me disa mësues rreth shkrimeve të shenjta. Mësuesit po i bënin Atij pyetje. Ata ishin të mahnitur se sa shumë dinte dhe kuptonte Jezusi.

Lluka 2:46–47

Maria i tha Jozefit se sa të shqetësuar ishin kur nuk po mundnin ta gjenin Atë. Jezusi tha se Ai po bënte punën e Atit të Tij Qiellor. Jezusi u kthye në Nazaret me familjen e Tij. Ai iu bind Maries dhe Jozefit.

Lluka 2:48–52

Jezusi vazhdoi të mësonte. Ai u rrit më i madh në shtat dhe më i fortë. Ati Qiellor e donte Atë dhe e ndihmoi të përgatitej për misionin e Tij. Jezusi i donte njerëzit përreth Tij dhe ata e donin Atë.

Lluka 2:52