2 Korintasve 12:7–10
Jezusi Mund t’i Bëjë Gjërat e Dobëta të Forta
Mësimi i Palit nga një “gjemb”
Apostulli Pal ishte një shërbëtor i shkëlqyer i Jezu Krishtit. Ai pati shumë zbulesa dhe u dha mësim njerëzve rreth Shpëtimtarit. Por Pali gjithashtu pati shumë sfida.
2 Korintasve 12:7
Në një letër drejtuar anëtarëve të Kishës, Pali i krahasoi sfidat e tij me pasjen e një gjembi të ngulur në mishin e tij. Gjembi e bëri Palin të ndihej njeri i dobët.
2 Korintasve 12:7
Tri herë Pali u lut dhe i kërkoi Zotit që t’ia largonte sfidën e tij. Por Zoti nuk e largoi atë.
2 Korintasve 12:8–9
Në vend të kësaj, Zoti i tha Palit se Ai kishte mjaft fuqi për ta bërë Palin të fortë. Pali mësoi se nganjëherë një sfidë mund të jetë një gjë e mirë, në qoftë se drejtohemi te Zoti dhe kërkojmë ndihmë. Kur ndihemi të dobët, Jezu Krishti mund të na bëjë të fortë, edhe nëse sfidat tona nuk largohen.
2 Korintasve 12:9–10