Պողոսը և Շիղան

Տերը կանչեց Պողոսին և Շիղային՝ ավետարանը միասին քարոզելու։ Նրանք ճանապարհորդեցին բազմաթիվ քաղաքներ՝ տեսնելու, թե ինչպես են գործում այնտեղի եկեղեցիները։

Գործք Առաքելոց 15.40-41, 16․4-8

Մի գիշեր, տեսիլքում Պողոսը տեսավ մակեդոնացի մի մարդու, որը խնդրում էր իրեն գալ իր քաղաքը։ Պողոսն ու Շիղան անմիջապես մեկնեցին։ Նրանք գիտեին, որ Աստված ուզում էր, որ իրենք գնային։

Գործք Առաքելոց 16․9-10

Երբ նրանք հասան Մակեդոնիա, Լիդիա անունով մի կին լսեց նրանց ուսուցանելիս։ Տերը բացեց Լիդիայի սիրտը։ Նա հավատաց այն ամենին, ինչի մասին Պողոսն ուսուցանում էր, և մկրտվեց։

Գործք Առաքելոց 16.13-15

Լիդիան Պողոսին ու Շիղային ասաց, որ նրանք կարող են մնալ իր տանը, քանի դեռ նրանք այդտեղ են։

Գործք Առաքելոց 16.15

Բայց ոչ բոլորին դուր եկավ այն, որ Պողոսն ու Շիղան այնտեղ էին։ Որոշ մարդկանց դուր չէր գալիս այն, ինչ նրանք ուսուցանում էին։ Այդ մարդիկ Պողոսին ու Շիղային տարան հրապարակ և քաղաքի ղեկավարներին ասացին, որ նրանք խնդիրներ են ստեղծում։

Գործք Առաքելոց 16.16-21

Ժողովուրդը զայրացած էր Պողոսի և Շիղայի վրա։ Քաղաքի ղեկավարները պատռեցին Պողոսի և Շիղայի հագուստները և ասացին, որ նրանց պետք է ծեծել։

Գործք Առաքելոց 16.22-23

Ապա քաղաքի ղեկավարները Պողոսին ու Շիղային բանտ նետեցին։ Նրանք կապեցին նրանց ոտքերը և պահակ դրեցին նրանց վրա։

Գործք Առաքելոց 16.23-24

Այդ գիշեր Պողոսն ու Շիղան աղոթեցին և օրհներգեր երգեցին Աստծուն, մինչ մյուս բանտարկյալները լսում էին։ Հանկարծ գետինը սկսեց ցնցվել։ Բանտի դռները բացվեցին, և կապանքները արձակվեցին։

Գործք Առաքելոց 16.25–26

Բանտապետն արթնացավ և տեսավ բաց դռները: Նա կարծեց, թե բանտարկյալները փախել են, և որ ինքը խնդիրներ կունենա նրանց փախչելու թույլտվության համար։ Պողոսը բանտապետին ասաց, որ չանհանգստանա: Բոլոր բանտարկյալները դեռ այնտեղ էին։

Գործք Առաքելոց 16․27–28

Բանտապետը վախեցած էր։ Նա ծնկի իջավ Պողոսի և Շիղայի մոտ ու ասաց. «Ես ի՞նչ պետք է անեմ, որ փրկվեմ»։ Նրանք ասացին. «Հավատա՛ Տեր Հիսուս Քրիստոսին»։

Գործք Առաքելոց16.27–31

Պողոսն ու Շիղան ավետարանն ուսուցանեցին բանտապետին և նրա ընտանիքին։ Բանտապետը լվաց Պողոսի և Շիղայի վերքերը։ Այդ գիշեր նա և իր ընտանիքը մկրտվեցին։

Գործք Առաքելոց 16.32-33