Տաբիթան՝ «բազում բարի գործեր» անող կինը

Տաբիթան Հիսուս Քրիստոսի հավատարիմ աշակերտներից էր։ Նա ապրում էր ծովափնյա մի քաղաքում, որը կոչվում էր Հոպպե։ Նա սիրում էր ծառայել և օգնել աղքատ մարդկանց։

Գործք Առաքելոց 9.36

Տաբիթան հագուստ էր կարում և բաժանում կարիքավոր կանանց։ Նրանք սիրում էին Տաբիթային։

Գործք Առաքելոց 9.39

Մի օր Տաբիթան ծանր հիվանդացավ։ Նա այնքան հիվանդ էր, որ մահացավ։

Գործք Առաքելոց 9.37

Հոպպեի Եկեղեցու մյուս անդամները շատ տխուր էին։ Նրանք գիտեին, որ Պետրոսը՝ Հիսուսի առաքյալներից մեկը, գտնվում էր մոտակա քաղաքում։ Նրանք երկու տղամարդ ուղարկեցին Պետրոսին խնդրելու, որ շտապ իրենց մոտ գա։

Գործք Առաքելոց 9.38

Պետրոսն եկավ այնտեղ, որտեղ Տաբիթայի մարմինն էր։ Այնտեղ էին այն կանանցից մի քանիսը, որոնց Տաբիթան օգնել էր։ Նրանք Պետրոսին ցույց տվեցին այն հագուստները, որոնք Տաբիթան կարել էր իրենց համար։

Գործք Առաքելոց 9.39

Պետրոսը խնդրեց բոլորին դուրս գալ սենյակից։ Նա ծնկի իջավ և աղոթեց։

Գործք Առաքելոց 9.40

Աղոթելուց հետո Պետրոսն ասաց. «Տաբի՛թա, վե՛ր կաց»։ Նա բացեց իր աչքերը և նստեց: Պետրոսն օգնեց Տաբիթային կանգնել։ Նա կրկին ողջ էր։ Պետրոսը կանչեց նրա ընկերներին, որ գան և տեսնեն նրան։ Նրանք ապշած էին։ Նրանք գիտեին, որ Տաբիթան վերակենդանացել էր Հիսուս Քրիստոսի զորությամբ։ Ավելի շատ մարդիկ հավատացին Հիսուս Քրիստոսին։

Գործք Առաքելոց 9․40–42