Պարտատեր ծառայի առակը

Մի օր Պետրոսը կարևոր հարց տվեց Հիսուսին։ Նա ուզում էր իմանալ, թե քանի անգամ պետք է ներեր մարդկանց, երբ նրանք մեղանչում են։ «Յո՞թ անգամ»,- հարցրեց Պետրոսը։ Հիսուսը պատասխանեց Պետրոսի հարցին՝ պատմելով նրան մի պատմություն կամ առակ։

Մատթեոս 18․15–21

Այս պատմության մեջ կար մի թագավոր, որը շատ ծառաներ ուներ։ Ծառաներից մեկը թագավորին պարտք էր տասը հազար քանքար։ Դա մեծ գումար էր։

Մատթեոս 18․23-24

Ծառան երբեք չէր կարող թագավորին հատուցել։ Թագավորն ասաց, որ կվաճառի ծառային և նրա ընտանիքին, որպեսզի մարի պարտքը։

Մատթեոս 18․25

Երբ ծառան լսեց դա, ծնկի իջավ։ Նա խնդրեց թագավորին ավելի շատ ժամանակ տալ իրեն։ «Տե՛ր, համբերատա՛ր եղիր իմ նկատմամբ, և բոլորը կհատուցեմ քեզ»։

Մատթեոս 18․26

Թագավորը գթաց ծառային։ Նա որոշեց ներել նրան։ Ծառան պարտավոր չէր վերադարձնել գումարը։ Նրան արձակեցին։

Մատթեոս 18․27

Ապա ծառան գնաց և գտավ մի մարդու, որը նրան մի փոքր գումար էր պարտք։ Նա բռնեց մարդուն և ասաց. «Պարտքդ վերադարձրո՛ւ»։

Մատթեոս 18․28

Մարդը ծնկի իջավ։ «Համբերատա՛ր եղիր իմ նկատմամբ, և բոլորը կհատուցեմ քեզ»։ Բայց ծառան չներեց նրան։ Նա նրան բանտ գցեց։

Մատթեոս 18․29–30

Երբ թագավորը իմացավ, թե ինչ էր պատահել, ցանկացավ տեսնել ծառային։ Թագավորը հիշեցրեց իր ծառային, որ իր շատ մեծ պարտքը ներվել էր։ Նա իր ծառային ասաց, որ ինքը նույնպես պետք է ներեր իրեն պարտք ունեցող մարդուն։

Մատթեոս 18․31–33

Մենք բոլորս պարտք ունենք, որը ինքնուրույն երբեք չէինք կարողանա վճարել։ Հիսուսը Պետրոսին բացատրեց, որ Աստված մեզ ներում է, ուստի մենք նույնպես պետք է ներենք ուրիշներին։ Եվ մենք չպետք է կանգ առնենք յոթ անգամից հետո, այլ միշտ պետք է պատրաստ լինենք ներելու։

Մատթեոս 18․22, 34–35, տես նաև Մատթեոս 6․14, Վարդապետություն և Ուխտեր 64․9–10