Հիսուսը Գեթսեմանիում

Հիսուսը և Իր առաքյալները գնացին Գեթսեմանի կոչվող այգին: Հիսուսը Պետրոսին, Հակոբոսին և Հովհաննեսին խնդրեց, որ հետևեն Իրեն, իսկ մյուսներին խնդրեց, որ սպասեն։

Մատթեոս 26․36-37, Հովհաննես 18․1

Հիսուսը Պետրոսին, Հակոբոսին և Հովհաննեսին ասաց, որ Ինքը շատ տխուր է։ Նա խնդրեց նրանց արթուն մնալ Իր հետ, մինչ Ինքը կաղոթեր։

Մատթեոս 26․38

Ապա Հիսուսը մի փոքր առաջացավ դեպի այգին։ Նա սկսեց տառապել մեր մեղքերի համար, որպեսզի մենք կարողանանք ապաշխարել և ներում ստանալ։ Հիսուսը նաև զգաց մեր բոլոր ցավերը, հիվանդություններն ու տխրությունները, որպեսզի իմանար, թե ինչպես օգնել մեզ։ Նա այդ արեց, որովհետև սիրում է մեզ։ Այս ամենը Երկնային Հոր ծրագրի մի մասն էր։

Մատթեոս 26․39, Ղուկաս 22․41, Հռոմեացիներին 3․23, Ալմա 7․11-13, 3 Նեփի 27․19

Հիսուսի տառապանքն այնքան ցավոտ էր, որ Նա խնդրեց Երկնային Հորը, որ եթե հնարավոր էր վերացնել տառապանքը։ Բայց Նա պատրաստ էր անել այն, ինչ Իր Հայրն էր ցանկանում, որ Նա աներ։ Նա ասաց. «սակայն ոչ թե իմ, այլ քո կամքը թող լինի»:

Ղուկաս 22.42

Հիսուսը մոտեցավ Պետրոսին, Հակոբոսին և Հովհաննեսին և տեսավ, որ նրանք քնած են։ Նա արթնացրեց նրանց և կրկին խնդրեց արթուն մնալ և աղոթել։ Բայց Նա գիտեր, որ չնայած նրանք ուզում էին արթուն մնալ, շատ հոգնած էին։

Մատթեոս 26.40-41

Հիսուսը կրկին աղոթեց։ Մի հրեշտակ եկավ Նրան ուժ տալու։ Նա շատ մեծ ցավ էր զգում, և ավելի ուժգին էր աղոթում։ Նրա քրտինքը արյան կաթիլների պես էր, որոնք թափվում էին գետնին։

Մատթեոս 26․42, Ղուկաս 22․43–44, Մոսիա 3․7, Վարդապետություն եվ ուխտեր 19․16–19

Եվս երկու անգամ Հիսուսը գնաց Պետրոսի, Հակոբոսի և Հովհաննեսի մոտ և նրանց քնած գտավ։ Վերջապես, Նա արթնացրեց նրանց, որովհետև ժամանակը եկել էր, որ Իրեն տանեին։

Մատթեոս 26․43-46