Հիսուսը ներում է մի կնոջ

Սիմոն անունով մի մարդ հրավիրեց Հիսուսին իր տուն՝ միասին հաց ուտելու։ Սիմոնը փարիսեցիներ կոչվող առաջնորդների խմբից մեկն էր։

Ղուկաս 7.36

Մինչ նրանք ուտում էին, մի կին եկավ Սիմոնի տուն։ Նա լսել էր, որ Հիսուսն այդտեղ է։ Նա ուզում էր ցույց տալ իր երախտագիտությունն ու սերը Նրա հանդեպ։

Ղուկաս 7.37

Կինը լաց եղավ, երբ տեսավ Հիսուսին։ Նրա արցունքները լվացին Հիսուսի ոտքերը։ Ապա իր մազերով նա սրբեց Նրա ոտքերը։ Նա համբուրեց Նրա ոտքերը և անուշահոտ յուղով օծեց։

Ղուկաս 7․38

Սիմոնը գիտեր, որ այս կինը շատ մեղքեր էր գործել։ Նա կարծում էր, որ եթե Հիսուսը իսկապես Աստծո մարդ է, ապա կիմանար, որ այս կինը մեղավոր էր, և թույլ չէր տա, որ նա դիպչեր Իրեն։

Ղուկաս 7.39

Հիսուսը գիտեր, թե ինչ էր մտածում Սիմոնը։ Նա Սիմոնին ասաց, որ կինը լվաց Իր ոտքերը, քանի որ սիրում էր Իրեն։ Սովորաբար հյուրերին ջուր էին տալիս ոտքերը լվալու համար։ Սիմոնը նման բան չէր արել՝ Հիսուսի հանդեպ սեր ցուցաբերելու համար։

Ղուկաս 7․40-47

Հիսուսն ասաց կնոջը, որ նրա մեղքերը ներվել են, քանի որ վերջինս սիրում և հավատում էր Իրեն։ Հիսուսն ասաց կնոջը, որ կարող է խաղաղությամբ գնալ։

Ղուկաս 7.47–50