Հրեշտակն ազատում է Պետրոսին բանտից

Հերովդես անունով մի թագավոր չէր սիրում քրիստոնյաներին։ Նա մահվան դատապարտեց Հակոբոս առաքյալին։ Ապա նա բանտարկեց Պետրոսին։ Նա բանտի հսկողության համար նշանակեց 16 զինվոր։

Գործք Առաքելոց 12․1-4

Երբ Եկեղեցու անդամները լսեցին այս մասին, նրանք աղոթեցին Երկնային Հորը Պետրոսի համար։

Գործք Առաքելոց 12․5

Մի գիշեր Պետրոսը քնած էր։ Նա կապված էր երկու զինվորների միջև՝ կրկնակի շղթաներով։

Գործք Առաքելոց 12․6

Հանկարծ բանտում լույս ծագեց, և մի հրեշտակ հայտնվեց։ «Շո՛ւտ, վե՛ր կաց», - ասաց հրեշտակը, և շղթաները ընկան Պետրոսի ձեռքերից։ Հրեշտակն ասաց Պետրոսին, որ հետևի իրեն։

Գործք Առաքելոց 12․7-8

Պետրոսը կարծեց, թե երազ է տեսնում։ Նա հետևեց հրեշտակին՝ անցնելով պահակների մոտով։ Քաղաք տանող երկաթյա դուռն ինքն իրեն բացվեց, և Պետրոսն ու հրեշտակը անցան դրա միջով։

Գործք Առաքելոց 12․9-10

Հրեշտակը հեռացավ, և Պետրոսը հասկացավ, որ երազ չէր տեսնում։ Նա գիտեր, որ Տերն էր ուղարկել հրեշտակին՝ իրեն փրկելու համար։

Գործք Առաքելոց 12․10–11

Պետրոսը գնաց Մարիամ անունով մի կնոջ տուն, որտեղ Եկեղեցու շատ անդամներ եկել էին աղոթելու։ Նա թակեց դուռը։

Գործք Առաքելոց 12.12-13

Ռոդի անունով մի աղջիկ մոտեցավ դռանը։ Երբ նա լսեց Պետրոսի ձայնը, շատ ուրախացավ։ Նա վազեց մյուսներին պատմելու։

Գործք Առաքելոց 12.13-14

Երբ Ռոդին բոլորին ասաց, որ Պետրոսը դռան մոտ է, նրանք չհավատացին նրան։ Պետրոսը շարունակեց թակել։

Գործք Առաքելոց 12.15-16

Վերջապես նրանք բացեցին դուռը և տեսան Պետրոսին։ Պետրոսն անվտանգ էր։ Տերը պատասխանել էր նրանց աղոթքներին։ Պետրոսը բոլորին պատմեց, թե ինչպես էր Տերը իրեն բանտից դուրս բերել։

Գործք Առաքելոց 12.16-17