Մատթեոս 8.23–27, Մարկոս 4.36–41
Հիսուսը հանդարտեցնում է փոթորիկը
Նույնիսկ քամին ու ծովը հնազանդվում են Նրան
Մի օր Հիսուսն ու Իր աշակերտները նավարկում էին Գալիլեայի ծովում։ Քամին սկսեց ուժեղանալ։ Ալիքները հարվածում էին նավակին՝ լցնելով այն ջրով։ Սակայն Հիսուսը խաղաղ քնած էր։
Մատթեոս 8․23-24
Աշակերտները վախեցած էին։ Նրանք արթնացրին Հիսուսին։ «Տե՛ր, փրկի՛ր մեզ»,- աղաղակեցին նրանք։ Նրանք կարծում էին, որ ծովում խեղդվելու են։
Մատթեոս 8․25
«Ինչո՞ւ եք վախենում»,- հարցրեց Հիսուսը։ Նա ասաց աշակերտներին, որ նրանք պետք է ավելի շատ հավատ ունենան։ Ապա վեր կացավ և ասաց քամուն ու ալիքներին. «Լռի՛ր, հանդարտվի՛ր»։
Մատթեոս 8․26, Մարկոս 4․39
Հանկարծ փոթորիկը դադարեց, և ծովը հանդարտվեց։ Հիսուսը և աշակերտները անվտանգ էին։ Հիսուսի աշակերտները զարմացել էին։ Նրանք մտածում էին, թե ինչպիսի մարդ պետք է լինի, որ հրամայի քամուն ու ծովին, և դրանք հնազանդվեն Նրան։
Մատթեոս 8․26-27