Ներածություն
Նոր Կտակարանի մասին
Հիսուս Քրիստոսի և Նրա հետևորդների պատմությունը
Աստվածաշունչն ունի երկու մաս․ Հին Կտակարան և Նոր Կտակարան: Հին Կտակարանը պարունակում է վաղեմի մարգարեների գրվածքները։ Այդ մարգարեներից մի քանիսը գրել են, որ Աստված խոստացել է Փրկիչ ուղարկել։ Նա կլիներ Աստծո Որդին և կփրկեր մեզ մեղքից ու մահից, որպեսզի մենք կարողանայինք կրկին ապրել Աստծո հետ։
Եսայի 53․3–5, Հակոբ 7․11, Մովսես 4
Նոր Կտակարանը պատմում է, թե ինչպես է այս խոստումն իրականացել։ Այն պատմում է Հիսուս Քրիստոսի՝ Աստծո Որդու ծննդյան մասին։
Ղուկաս 2․4–7
Նոր Կտակարանը նաև պատմում է Հիսուսի կյանքի մասին։ Նա ապրում էր հրեաների մեջ և ուսուցանում էր մեզ, թե ինչպես ապրենք, որ մի օր կարողանանք վերադառնալ Երկնային Հոր մոտ։
Մատթեոս 5․1-2
Հիսուսն օրհնում և ծառայում էր մարդկանց։ Նա շատ հրաշքներ գործեց մարդկանց համար, օրինակ՝ բժշկեց հիվանդներին և վերակենդանացրեց մահացածներին։
Մատթեոս 4․23
Հիսուսն ընտրեց Իր հետևորդներից տասներկուսին լինելու Առաքյալներ։ Նա նրանց իշխանություն տվեց առաջնորդելու Իր Եկեղեցին։
Ղուկաս 9․1-2
Քանի որ Հիսուսը սիրում է մեզ, Նա Իր վրա վերցրեց մեր բոլոր ցավերը, վշտերը և մեղքերը։ Նա մահացավ մեզ համար։ Ապա, երեք օր անց, Նա հաղթեց մահին և հարություն առավ։ Հիսուս Քրիստոսը ապրում է, և Նրա շնորհիվ մենք կարող ենք ապաշխարել մեր մեղքերից և կրկին ապրել մահից հետո։
Այս ամենի մասին գրել են Հիսուսին ճանաչող և սիրող մարդիկ։ Նրա առաքյալները նամակներ են գրել՝ օգնելու Եկեղեցու անդամներին կառուցել իրենց հավատքը Հիսուս Քրիստոսի հանդեպ։ Նրանց գրածները պահպանվել են երկար տարիներ։ Այժմ դուք կարող եք կարդալ դրանք Նոր Կտակարանում և իմանալ, թե ինչպես հետևել Հիսուս Քրիստոսին։
Ղուկաս 1.1-4