Тэнгэр элчүүд Мариа, Иосеф хоёр дээр айлчилсан нь

Назар хотод Мариа гэдэг эмэгтэй амьдардаг байв. Тэрээр Бурханыг хайрлаж, Түүний зарлигуудыг дуулгавартай дагадаг байв. Мариа Бурханыг бас хайрладаг Иосеф гэдэг эртэй гэрлэх гэж байв.

Maтай 1:18–19; Лук 1:26–28

Нэгэн өдөр Габриел гэдэг тэнгэр элч Мариа дээр ирэв. Эхэндээ Мариа айж байв. Гэтэл Габриел өөрийг нь Бурхан илгээсэн гэж хэлэв. Мариа айх хэрэггүй байлаа. Тэрээр Мариаг Бурханы хувьд онцгой хүн бөгөөд удахгүй хүүхэдтэй болно хэмээжээ Мариагийн хүүхэд Бурханы Хүү Есүс байх ажээ.

Лук 1:26–33

Гэвч Мариа гайхлаа. Тэрээр Иосефтой хараахан гэрлээгүй байв. Тиймээс яаж хүүхэдтэй болох билээ? Энэ нь Бурханы хүчээр тохионо гэдгийг Габриел тайлбарлав. Тэр “Бурханд боломжгүй юм гэж нэг ч байхгүй” гэж түүнд хэлэв.

Лук 1:34–37

Мариа даруу, итгэлтэй байлаа. Тэр Габриелд өөрийгөө Их Эзэний үйлчлэгч гэдгээ хэлэв. Тэрбээр Бурханы Хүүгийн эх болох хүсэлтэй байв.

Лук 1:38

Иосеф Мариаг хүүхэдтэй болохыг мэдээд сэтгэл нь түгшжээ. Тэрээр Мариатай гэрлэх хэвээрээ эсэхдээ эргэлзэж байв.

Maтай 1:19

Гэтэл нэгэн шөнө тэнгэр элч Иосефын зүүдэнд ирэв. Тэнгэр элч Иосефт Мариагийн хүүхэд бол Бурханы Хүү бөгөөд Түүнийг Есүс гэж нэрлэх ёстой гэв. Есүс бүх хүнийг нүглээс нь аврах байв. Тэнгэр элч Иосефыг Мариатай гэрлэх хэвээрээ гэдгийг хэлэв.

Maтай 1:20–23

Иосеф тэнгэр элчийн хэлснийг хийсэн. Иосеф, Мариа хоёр гэрлэжээ.

Maтай 1:24

Мариа өөрийн үеэл Елизабеттэй уулзахаар зочлон очив. Елизабетийг нас өндөр байсан ч хөл хүнд болсныг тэнгэр элч Мариад хэлэв. Энэ бол Бурханаас ирсэн бас нэгэн гайхамшиг байлаа. Түүний хүү өсөж том болоод Баптисч Иохан болно. Мариа гэрт нь орж ирээд, Елизабеттэй мэндлэв

Лук 1:13–17, 36, 39–40

Елизабет Мариагийн хэлэхийг сонсонгуут хэвлий дэх үр нь баярлан хөдлөв. Елизабет Ариун Сүнсээр дүүрсэн байв. Тэрээр Мариаг Бурханы Хүүг тээж байгааг мэдэв. Мариа Елизабеттэй хамт хөөрөн баярлав Тэрээр Бурханыг хүүхдүүдээ адислахын тулд хийдэг бүх гайхамшигт үйлсийнх нь төлөө магтан дуулав.

Лук 1:41–55