Alma

Buch vum Mormon

Aféierung an Zeien
1 Nephi
2 Nephi
Jakob
Enos
Jarom
Omni
Wierder vum Mormon
Mosiah
Alma
Helaman
3 Nephi
4 Nephi
Mormon
Ether
Moroni

Alma

1. Kapitel
Den Nehor enseignéiert falsch Doktrinnen, grënnt eng Kierch, féiert béis Priisterschaft an a bréngt de Gideon ëm—Den Nehor gëtt fir seng Verbriechen higeriicht—Béis Priisterschaft a Verfollgunge verbreeden sech ënnert dem Vollek—D’Priister ënnerhalen sech selwer, d’Vollek këmmert sech ëm déi Aarm, an d’Kierch huet Erfolleg. Ongeféier 91–88 v. Chr.
2. Kapitel
Den Amlissi wëll Kinnek ginn, awer gëtt vun der Stëmm vum Vollek ofgeleent—Seng Unhänger maachen hien zum Kinnek—D’Amlissite féiere Krich géint d’Nephiten a verléieren—D’Lamaniten an d’Amlissite verbannen hir Kräften a verléieren—Den Alma bréngt den Amlissi ëm. Ongeféier 87 v. Chr.
3. Kapitel
D’Amlissiten haten sech no dem prophetesche Wuert markéiert—D’Lamanite ware wéinst hirer Rebellioun verflucht—D’Mënsche bréngen hir eege Flich iwwert sech—D’Nephite gewanne géint eng aner lamanitesch Arméi. Ongeféier 87–86 v. Chr.
4. Kapitel
Den Alma deeft Dausende vu Konvertéierten—Ongerechtegkeet kënnt an d’Kierch, an de Fortschrëtt vun der Kierch gëtt behënnert—Den Nephihah gëtt zum ieweschte Riichter ernannt—Den Alma widmet sech als Hohepriister dem Ministère. Ongeféier 86–83 v. Chr.
5. Kapitel
Fir d’Erléisung ze kréien, mussen d’Mënschen ëmkéieren an d’Geboter halen, nei gebuer ginn, hir Kleeder duerch d’Blutt vum Christus botzen, bescheide sinn a sech vum Stolz an Näid befreien, an d’Wierker vun der Gerechtegkeet maachen—De Gudden Hiert rifft Säi Vollek—Déi, déi béis Wierker maachen, si Kanner vum Däiwel—Den Alma temoignéiert vun der Wourecht vu senger Doktrinn a befielt de Mënschen, ëmzekéieren—D’Nimm vun de Gerechte ginn an d’Buch vum Liewe geschriwwen. Ongeféier 83 v. Chr.
6. Kapitel
D’Kierch zu Zarahemla gëtt gerengegt an rëm organiséiert—den Alma geet op Gideon fir ze priedegen. Ongeféier 83 v. Chr.
7. Kapitel
De Christus gëtt vun der Maria gebuer—Hie wäert d’Bänner vum Doud léisen an d’Sënde vu sengem Vollek droen—Déi, déi ëmkéieren, gedeeft ginn an d’Geboter halen, hunn dat éiwegt Liewen—Dreckegt kann d’Kinnekräich vu Gott net ierwen—Humilitéit, Glawen, Hoffnung an Nächsteléift sinn erfuerderlech. Ongeféier 83 v. Chr.
8. Kapitel
Den Alma priedegt an deeft zu Melek—Hie gëtt zu Ammonihah verworf a geet fort—En Engel befielt him, zeréckzegoen an Ëmkéiert zum Vollek ze ruffen—Hie gëtt vum Amulek empfaangen, an déi zwee priedegen zu Ammonihah. Ongeféier 82 v. Chr.
9. Kapitel
Den Alma befielt dem Vollek vun Ammonihah, ëmzekéieren—Den Här wäert an de leschten Deeg baarmhäerzeg géintiwwer de Lamaniten sinn—Wann d’Nephiten d’Liicht verloossen, gi si vun de Lamaniten zerstéiert—De Jong vu Gott wäert geschwë kommen—Hie wäert déi erléisen, déi ëmkéieren, gedeeft ginn a Glawen un Säin Numm hunn. Ongeféier 82 v. Chr.
10. Kapitel
De Lehi staamt vu Manasse of—Den Amulek erzielt vum Gebot vum Engel, datt hien sech ëm den Alma këmmere soll—D’Gebieder vun de Gerechte suergen dofir, datt d’Leit verschount bleiwen—Ongerecht Affekoten a Riichter leeën d’Grondlag fir d’Zerstéierung vum Vollek. Ongeféier 82 v. Chr.
11. Kapitel
Dat nephitescht Geldsystem gëtt festgeluecht—Den Amulek streit mam Zeezrom—De Christus wäert d’Leit net an hire Sënde retten—Nëmmen déi, déi d’Himmelräich ierwen, gi gerett—All Mënsche wäerten an der Onstierflechkeet operstoen—Et gëtt keen Doud no der Opersteeung. Ongeféier 82 v. Chr.
12. Kapitel
Den Alma schwätzt zum Zeezrom—D’Geheimnisser vu Gott kënnen nëmmen déi Gleeweg kréien—D’Mënsche ginn no hire Gedanken, Iwwerzeegungen, Wierder a Wierker geriicht—Déi Béis wäerten e geeschtegen Doud leiden—Dëst stierflecht Liewen ass e Prouf-Zoustand—De Plang vun der Erléisung bréngt d’Opersteeung, an, duerch Glawen, eng Verzeiung vun de Sënden—Déi, déi bereien, hunn en Usproch op Barmhäerzegkeet duerch den Eenzege Gebuerene Jong. Ongeféier 82 v. Chr.
13. Kapitel
Männer gi wéinst hirem aussergewéinleche Glawen a gudde Wierker als Hohepriister beruff—Si sollen d’Geboter enseignéieren—Duerch Gerechtegkeet ginn si gehellegt a kommen an d’Rou vum Här eran—De Melchisedek war ee vun dësen—Engele verkënnegen d’Freed am ganze Land—Si wäerten d’tatsächlecht Komme vum Christus verkënnegen. Ongeféier 82 v. Chr.
14. Kapitel
Den Alma an den Amulek gi gefaange geholl a geschloen—D’Gleeweger an hir helleg Schrëfte gi mam Feier verbrannt—Dës Märtyrer gi vum Här an Herrlechkeet opgeholl—D’Prisongsmauere räissen a falen zesummen—Den Alma an den Amulek gi befreit, an hir Verfollger ginn ëmbruecht. Ongeféier 82–81 v. Chr.
15. Kapitel
Den Alma an den Amulek ginn op Sidom a riichten eng Kierch op—Den Alma heelt den Zeezrom, deen der Kierch bäitrëtt—Vill gi gedeeft, an d’Kierch huet Erfolleg—Den Alma an den Amulek ginn op Zarahemla. Ongeféier 81 v. Chr.
16. Kapitel
D’Lamaniten zerstéieren d’Leit vun Ammonihah—Den Zoram féiert d’Nephiten zur Victoire iwwer d’Lamaniter—Den Alma an den Amulek a vill anerer priedegen d’Wuert—Si enseignéieren, datt Christus no Senger Opersteeung den Nephiten erschénge wäert. Ongeféier 81–77 v. Chr.
17. Kapitel
D’Jonge vum Mosiah hunn de Geescht vun der Prophezeiung an der Offenbarung—Si ginn op verschidde Weeër, fir d’Wuert de Lamaniten ze verkënnegen—Den Ammon geet an d’Land vum Ismael a gëtt den Dénger vum Kinnek Lamoni—Den Ammon rett d’Häerd vum Kinnek a bréngt seng Feinde beim Waasser vu Sebus ëm. Versen 1–3, ongeféier 77 v. Chr.; Vers 4, ongeféier 91–77 v. Chr.; a Verse 5–39, ongeféier 91 v. Chr.
18. Kapitel
De Kinnek Lamoni geet dovun aus, datt den Ammon de Grousse Geescht ass—den Ammon enseignéiert de Kinnek iwwer d’Schëpfung, Gottes Ëmgang mat de Mënschen an d’Erléisung, déi duerch Christus kënnt—de Lamoni gleeft a fält op d’Äerd wéi wann hien dout wier. Ongeféier 90 v. Chr.
19. Kapitel
De Lamoni kritt d’Liicht vum éiwege Liewen a gesäit den Erléiser—Säin Haushalt fält an eng Trance, a vill gesinn Engelen—Den Ammon gëtt op wonnerbar Weis erhalen—Hien deeft der vill a grënnt eng Kierch ënnert hinnen. Ongeféier 90 v. Chr.
20. Kapitel
Den Här schéckt den Ammon op Middoni fir seng gefaange Bridder ze befreien—Den Ammon an de Lamoni treffen dem Lamoni säi Papp, dee Kinnek iwwer dat ganzt Land ass—Den Ammon zwéngt den ale Kinnek, d’Fräiloossung vu senge Bridder ze approuvéieren. Ongeféier 90 v. Chr.
21. Kapitel
Den Aaron enseignéiert d’Amalekiten iwwert de Christus a Seng Versönung—Den Aaron a seng Bridder ginn zu Middoni gefaange geholl—No hirer Befreiung enseignéieren si an de Synagogen a maache vill Leit zu Konvertéierter—De Lamoni gëtt dem Vollek am Land vum Ismael reliéis Fräiheet. Ongeféier 90–77 v. Chr.
22. Kapitel
Den Aaron enseignéiert dem Lamoni säi Papp iwwer d’Schëpfung, de Fall vum Adam an de Plang vun der Erléisung duerch de Christus—De Kinnek a säi ganzen Haushalt gi konvertéiert—D’Opdeelung vum Land tëscht den Nephiten an de Lamaniten gëtt erkläert. Ongeféier 90–77 v. Chr.
23. Kapitel
Reliéis Fräiheet gëtt verkënnegt—D’Lamanite vu siwe Länner a Stied gi konvertéiert—Si nennen sech Anti-Nephi-Lehier a gi vum Fluch befreit—D’Amalekiten an d’Amulonite verwerfen d’Wourecht. Ongeféier 90–77 v. Chr.
24. Kapitel
D’Lamanite gi géint d’Vollek vu Gott vir—D’Anti-Nephi-Lehier hu Freed am Christus a gi vun Engele besicht—Si entscheeden sech, léiwer ze stierwe, wéi sech ze verdeedegen—Méi Lamanite konvertéieren sech. Ongeféier 90–77 v. Chr.
25. Kapitel
D’Aggressioune vun de Lamanite breeden sech aus—D’Nokomme vun de Priister vum Noah kommen ëm, wéi den Abinadi et prophezeit huet—Vill Lamanite bekéieren sech a schléissen sech den Anti-Nephi-Lehier un—Si gleewen u Christus an halen d’Gesetz vum Moses. Ongeféier 90–77 v. Chr.
26. Kapitel
Den Ammon gëtt Gott d’Éier—Déi Trei gi vum Här gestäerkt a kréie Wëssen—Am Glawe kënnen d’Mënschen Dausende vu Séilen zur Ëmkéiert bréngen—Gott huet all Muecht a versteet alles. Ongeféier 90–77 v. Chr.
27. Kapitel
Den Här befielt dem Ammon, d’Vollek Anti-Nephi-Lehi a Sécherheet ze féieren—Dem Ammon seng Freed ass esou grouss beim Zesummentreffe mam Alma, datt seng Kraaft erschëpft gëtt—D’Nephite ginn dem Vollek Anti-Nephi-Lehi d’Land Jershon—Si ginn d’Vollek Ammon genannt. Ongeféier 90–77 v. Chr.
28. Kapitel
D’Lamanite ginn an enger enormer Schluecht geschloen—Zéngdausende ginn ëmbruecht—Déi Béis ginn an en Zoustand vun éiweger Trauregkeet verbannt; déi Gerecht erreechen eng Freed, déi ni ophält. Ongeféier 77–76 v. Chr.
29. Kapitel
Den Alma wënscht sech, mat engem äifregen Engels-Geescht zur Ëmkéiert opzeruffen—Den Här setzt Enseignante fir all Natiounen an—Den Alma freet sech un der Aarbecht vum Här an iwwer d’Erfolleger vum Ammon a senge Bridder. Ongeféier 76 v. Chr.
30. Kapitel
De Korihor, den Anti-Christ, verspott de Christus, d’Versönung an de Geescht vun der Prophezeiung—Hien enseignéiert, datt et kee Gott gëtt, kee Fall vum Mënsch, keng Strof fir d’Sënd an och kee Christus—Den Alma temoignéiert, datt de Christus komme wäert an datt alles drop hiweist, datt et e Gott gëtt—De Korihor fuerdert en Zeechen a gëtt mat Stommt geschloen—Den Däiwel war dem Korihor als Engel erschéngt a huet him enseignéiert, wat hie soe sollt—De Korihor gëtt zertrampelt a stierft. Ongeféier 76–74 v. Chr.
31. Kapitel
Den Alma féiert eng Missioun, fir déi Zoramiten, déi ofgefall waren, zeréck ze bréngen—D’Zoramite verleegnen de Christus, gleewen un eng falsch Auserwielungs-Léier a biede mat feste Gebieder—D’Missionare gi mam Hellege Geescht gefëllt—Hiert Leed gëtt an der Freed un de Christus verschlongen. Ongeféier 74 v. Chr.
32. Kapitel
Den Alma enseignéiert déi Aarm, deenen hiert Leed si humiliéiert hat—Glawen ass eng Hoffnung op dat, wat een net gesäit, awer wat wouer ass—Den Alma temoignéiert, datt Engele Männer, Fraen a Kanner déngen—Den Alma vergläicht d’Wuert mat Som—Et muss geséit a gefleegt ginn—Duerno wiisst et zu engem Bam, vun deem d’Fruucht vum éiwege Liewe geholl gëtt. Ongeféier 74 v. Chr.
33. Kapitel
Den Zenos huet enseignéiert, datt d’Mënschen iwwerall solle bieden a Gott ubiede sollen, an datt d’Urteeler ofgewannt ginn duerch de Jong—Den Zenoch huet enseignéiert, datt Baarmhäerzegkeet geschenkt gëtt wéinst dem Jong—De Moses hat an der Wüüst eng Duerstellung vum Jong Gottes erhuewen. Ongeféier 74 v. Chr.
34. Kapitel
Den Amulek temoignéiert, datt d’Wuert am Christus ass, zur Erléisung—Ausser wann eng Versönung gemaach gëtt, muss déi ganz Mënschheet ëmkommen—Dat ganzt Gesetz vum Moses weist op d’Affer vum Jong Gottes hin—Den éiwege Plang vun der Erléisung baséiert op Glawen an Ëmkéiert—Biet fir weltlechen a geeschtleche Seegen—Dëst Liewen ass d’Zäit, wou de Mënsch sech virbereet, fir Gott ze begéinen—Schafft un ärer Erléisung mat Angscht viru Gott. Ongeféier 74 v. Chr.
35. Kapitel
D’Priedegt vum Wuert zerstéiert d’Handwierk vun de Zoramiten—Si verstoussen déi Bekéiert, déi sech duerno de Leit vum Ammon zu Jershon ugeschloss hunn—Den Alma ass traureg wéinst der Béist vum Vollek. Ongeféier 74 v. Chr.
36. Kapitel
Den Alma temoignéiert dem Helaman vu senger Konversioun, nodeems hien en Engel gesinn huet—Hien huet d’Péng vun enger verdaamter Séil gelidden; hien huet den Numm vum Jesus ugeruff a gouf du vu Gott gebuer—Séiss Freed huet seng Séil erfëllt—Hie gesäit Gruppe vun Engelen, déi Gott luewen—Vill Konvertéierter hunn esou geschmaacht a gesinn, wéi hie geschmaacht a gesinn huet. Ongeféier 74 v. Chr.
37. Kapitel
D’Placken aus Messeng an aner Schrëften si preservéiert bliwwen, fir Séilen zur Errettung ze bréngen—D’Jaredite goufe wéinst hirer Béist zerstéiert—Hir geheim Eeder an Allianze musse virum Vollek verstoppt ginn—Berot mam Här bei all ären Handlungen—Wéi de Liahona d’Nephite guidéiert huet, sou féiert d’Wuert vum Christus d’Mënschen zum éiwege Liewen. Ongeféier 74 v. Chr.
38. Kapitel
De Schiblon gouf wéinst sengem Wëllen zur Gerechtegkeet verfollegt—D’Erléisung ass a Christus, deen d’Liewen an d’Liicht vun der Welt ass—Beherrscht all är Leidenschaften. Ongeféier 74 v. Chr.
39. Kapitel
Sexuell Sënd ass eng Abscheilechkeet—D’Sënde vum Korianton hunn d’Zoramiten dovun ofgehalen, d’Wuert ze kréien—D’Erléisung vum Christus ass réckwierkend andeems se déi Gleeweg rett, déi virdru waren. Ongeféier 74 v. Chr.
40. Kapitel
De Christus bréngt d’Opersteeung vun alle Mënschen zur Verfügung—Déi gerecht Doudeg ginn an d’Paradäis an déi Béis an déi baussent Däischtert, fir op den Dag vun hirer Opersteeung ze waarden—Alles gëtt an der Opersteeung an hirer richteger a perfekter Form restauréiert. Ongeféier 74 v. Chr.
41. Kapitel
An der Opersteeung kommen d’Mënschen an en Zoustand vun onendlechem Gléck oder onendlecher Misär—Béist war nach ni Gléck—Fleeschlech Mënsche sinn ouni Gott op der Welt—All Mënsch kritt an der Restauratioun erëm déi Charakteristiken an Attributer, déi hien an der Stierflechkeet gewonn huet. Ongeféier 74 v. Chr.
42. Kapitel
D’Stierflechkeet ass eng Proufzäit, déi dem Mënsch erméiglecht, ëmzekéieren a Gott ze déngen—De Fall huet den zäitlechen an de geeschtegen Doud iwwert déi ganz Mënschheet bruecht—D’Erléisung kënnt duerch d’Ëmkéiert—Gott Selwer huet fir d’Sënde vun der Welt versöönt—D’Barmhäerzegkeet ass fir déi, déi ëmkéieren—All anerer sinn der Gerechtegkeet vu Gott ënnerworf—D’Barmhäerzegkeet kënnt wéinst der Versönung—Nëmmen déi, déi wierklech bekéiert sinn, gi gerett. Ongeféier 74 v. Chr.
43. Kapitel
Den Alma a seng Jonge priedegen d’Wuert—D’Zoramiten an aner nephitesch Dissidente ginn zu Lamaniten—D’Lamanite kommen an de Krich géint d’Nephiten—De Moroni bewaffnet d’Nephite mat defensiver Rüstung—Den Här weist dem Alma d’Strategie vun de Lamaniten—D’Nephiten verdeedegen hir Haiser, Fräiheeten, Familljen a Relioun—D’Arméie vum Moroni a vum Lehi ëmzéngelen d’Lamaniten. Ongeféier 74 v. Chr.
44. Kapitel
De Moroni befielt de Lamaniten, eng Allianz vum Fridden anzegoen oder zerstéiert ze ginn—Den Zerahemnah refuséiert d’Offer, an d’Schluecht geet erëm lass—D’Arméie vum Moroni gewanne géint d’Lamaniten. Ongeféier 74–73 v. Chr.
45. Kapitel
Den Helaman gleeft un d’Wierder vum Alma—Den Alma prophezeit d’Zerstéierung vun den Nephiten—Hie séint a verflucht d’Land—Deemno kéint den Alma vum Geescht fort geholl gi sinn, grad wéi de Moses—D‘Oneenegkeet an der Kierch hëlt zou. Ongeféier 73 v. Chr.
46. Kapitel
Den Amalickiah verschwiert sech, fir Kinnek ze ginn—De Moroni hält de Fräiheets-Fändel héich—Hie sammelt d’Leit fir hir Relioun ze verdeedegen—Richteg Gleeweger gi Chrëschte genannt—En Iwwerrescht vum Joseph gëtt erhale gelooss—Den Amalickiah an d’Dissidente flüchten an d’Land Nephi—Déi, déi d’Saach vun der Fräiheet net ënnerstëtzen, ginn ëmbruecht. Ongeféier 73–72 v. Chr.
47. Kapitel
Den Amalickia benotzt Verrot, Mord an Intrigen, fir Kinnek vun de Lamaniten ze ginn—D’nephitesch Dissidente sinn nach méi béis a grausam wéi d’Lamaniten. Ongeféier 72 v. Chr.
48. Kapitel
Den Amalickiah stëppelt d’Lamaniten géint d’Nephiten op—De Moroni bereet säi Vollek vir, fir d’Saach vun de Chrëschten ze verdeedegen—Hie freet sech iwwert d’Fräiheet an d’Onofhängegkeet an hien ass ee staarke Mann vu Gott. Ongeféier 72 v. Chr.
49. Kapitel
Déi andréngend Lamanite kréien déi befestegt Stied Ammonihah an Noah net ageholl—Den Amalickiah verflucht Gott a schwiert, dem Moroni säi Blutt ze drénken—Den Helaman an seng Bridder fueren domat fort, d’Kierch ze stäerken. Ongeféier 72 v. Chr.
50. Kapitel
De Moroni befestegt d’Länner vun den Nephiten—Si baue vill nei Stied—Kricher an Zerstéierungen hunn d’Nephiten an den Deeg vun hirer Béist an Abscheilechkeete getraff—De Morianton an seng Dissidente verléieren duerch den Teankum—Den Nephihah stierft, a säi Jong Pahoran iwwerhëlt de Riichterstull. Ongeféier 72–67 v. Chr.
51. Kapitel
D’Kinneksleit probéieren d’Gesetz ze änneren an e Kinnek opzestellen—De Pahoran an d’Fräiheetsleit ginn duerch d’Stëmm vum Vollek ënnerstëtzt—De Moroni zwéngt d’Kinneksleit, d’Land ze verdeedegen oder si ginn ëmbruecht—Den Amalickiah an d’Lamaniten huele vill befestegt Stied a Besëtz—Den Teankum hält d’Invasioun vun de Lamaniten of a bréngt den Amalickiah a sengem Zelt ëm. Ongeféier 67–66 v. Chr.
52. Kapitel
Den Ammoron iwwerhëlt dem Amalickiah seng Plaz als Kinnek vun de Lamaniten—De Moroni, den Teankum an de Lehi féieren d’Nephiten an engem victoriéise Krich géint d’Lamaniten—D’Stad Mulek gëtt zeréckeruewert, an de Jakob, den Zoramit, gëtt ëmbruecht. Ongeféier 66–64 v. Chr.
53. Kapitel
D’lamanitesch Gefaangener ginn agesat, fir d’Stad Iwwerfloss ze befestegen—Oneenegkeeten ënnert den Nephite féiert zu Victoirë vun de Lamaniten—Den Helaman iwwerhëlt de Kommando iwwer déi zwee dausend jonk Jonge vum Vollek Ammon. Ongeféier 64–63 v. Chr.
54. Kapitel
Den Ammoron an de Moroni verhandelen iwwert den Austausch vu Gefaangenen—De Moroni verlaangt, datt d’Lamaniten sech zeréckzéien a mat hire mäerdereschen Attacken ophalen—Den Ammoron verlaangt, datt d’Nephiten hir Waffen nidderleeën an sech de Lamaniten ënnerwerfen. Ongeféier 63 v. Chr.
55. Kapitel
De Moroni refuséiert den Austausch vun de Gefaangenen—D’Wiechter vun de Lamanite ginn dozou verleet, sech ze bedrénken, an d’nephitesch Gefaangener gi befreit—D’Stad Gid gëtt ouni Bluttvergéissen ageholl. Ongeféier 63–62 v. Chr.
56. Kapitel
Den Helaman schéckt dem Moroni eng Epistel, an deem hien d’Lag vum Krich mat de Lamanite beschreift—Den Antipus an den Helaman erreechen eng grouss Victoire géint d’Lamaniten—Dem Helaman seng zwee dausend jonk Männer kämpfe mat wonnerbarer Kraaft, a kee vun hinne gëtt ëmbruecht. Versen 1; ongeféier 62 v. Chr.; Versen 2–19; ongeféier 66 v. Chr.; aVersen 20–57; ongeféier 65–64 v. Chr.
57. Kapitel
Den Helaman erzielt, wéi d’Stad Antiparah ageholl gouf an d’Stad Kumeni sech erginn huet an duerno verdeedegt gouf—Seng zwee dausend ammonitesch Jongen hu couragéiert gekämpft; all ware blesséiert, mee kee gouf ëmbruecht—De Gid bericht iwwer d’Erschloen an d’Flucht vun de lamanitesche Gefaangener. Ongeféier 63 v. Chr.
58. Kapitel
Den Helaman, de Gid an den Teomner huelen d’Stad Manti duerch eng Strategie an—D’Lamaniten zéien sech zeréck—D’Jonge vum Vollek Ammon ginn erhale well si fest an der Verdeedegung vun hirer Fräiheet a hirem Glawe stoen. Ongeféier 63–62 v. Chr.
59. Kapitel
De Moroni freet de Pahoran, fir dem Helaman seng Truppen ze stäerken—D’Lamaniten huelen d’Stad Nephihah an—De Moroni ass rose mat der Regierung. Ongeféier 62 v. Chr.
60. Kapitel
De Moroni beklot sech beim Pahoran iwwer d’Regierung, déi d’Arméi vernoléissegt—Den Här léisst zou, datt déi Gerecht geschloe ginn—D’Nephite mussen all hir Kraaft an hiert Bescht benotze fir sech vun hire Feinden ze befreien—De Moroni dreet, géint d’Regierung ze kämpfen, ausser seng Arméi gëtt ënnerstëtzt. Ongeféier 62 v. Chr.
61. Kapitel
De Pahoran erzielt dem Moroni vun den Opstänn an der Rebellioun géint d’Regierung—D’Kinneksleit huelen d’Stad Zarahemla an a sinn zesumme mat de Lamaniten—De Pahoran freet ëm militäresch Hëllef géint d’Rebellen. Ongeféier 62 v. Chr.
62. Kapitel
Moroni marschéiert an d’Land Gideon fir dem Pahoran ze hëllefen—D’Kinneksleit, déi sech weigeren, hiert Land ze verdeedegen, ginn zum Doud verurteelt—De Pahoran an de Moroni erueweren Nephihah zeréck—Vill Lamanite schléissen sech dem Vollek vum Ammon un—Den Teankum bréngt den Ammoron ëm a gëtt selwer ëmbruecht—D’Lamaniten ginn aus dem Land verdriwwen, a Fridde gëtt hiergestallt—Den Helaman geet zeréck an de geeschtlechen Déngscht a baut d’Kierch op. Ongeféier 62–57 v. Chr.
63. Kapitel
De Schiblon an duerno den Helaman huelen déi helleg Berichter u sech—Vill Nephiten reesen an d’Land nërdlech—Den Hagoth baut Schëffer, déi an d’Westmier erausfueren—De Moronihah bezwéngt d’Lamaniten an der Schluecht. Ongeféier 56–52 v. Chr.