ថែស្សាឡូនីច ទី១ និង ទី២
បុត្រាបុត្រីនៃពន្លឺ
ការជឿលើព្រះយេស៊ូវគ្រីស្ទ ខណៈដែលយើងរង់ចាំទ្រង់យាងមកម្តងទៀត
ពួកបរិសុទ្ធនៅសម័យរបស់ប៉ុលមានចិត្តរំភើបរីករាយសម្រាប់ថ្ងៃ ដែលព្រះយេស៊ូវគ្រីស្ទនឹងយាងមកផែនដីម្តងទៀត ។ នៅក្រុងមួយដែលមានឈ្មោះថា ថែស្សាឡូនីច ជីវិតកាន់តែមានការលំបាកខ្លាំងឡើងសម្រាប់ពួកបរិសុទ្ធ ។ ពួកគេឆ្ងល់ថា តើការណ៍នេះមានន័យថា ព្រះយេស៊ូវនឹងយាងមកក្នុងពេលឆាប់ៗនេះឬ ។ ប៉ុលបានសរសេរសំបុត្រដើម្បីជួយដល់ពួកគេ ។
ថែស្សាឡូនីច ទី១ ៤:១៦–១៨; ៥:១–២; ថែស្សាឡូនីច ទី២ ១:៤
ប៉ុលបាននិយាយថា គ្មាននរណាម្នាក់ដឹងថា តើព្រះយេស៊ូវនឹងយាងមកម្តងទៀតនៅពេលណានោះទេ ។ វានឹងជាការភ្ញាក់ផ្អើលដល់មនុស្សមួយចំនួន ដូចជាចោរមកនៅពេលយប់ ខណៈដែលពួកគេកំពុងដេកលង់លក់ដែរ ។
ថែស្សាឡូនីច ទី១ ៥:២–៣; ថែស្សាឡូនីច ទី២ ២:២
ប៉ុន្តែប៉ុលបានប្រាប់ពួកបរិសុទ្ធថា ពួកគេមិនស្ថិតនៅក្នុងសេចក្ដីងងឹតឡើយ ។ ដោយសារពួកគេបានធ្វើតាមព្រះយេស៊ូវគ្រីស្ទ នោះពួកបរិសុទ្ធគឺជាបុត្រាបុត្រីនៃពន្លឺ !
ថែស្សាឡូនីច ទី១ ៥:៤–៥
ប៉ុលបានពន្យល់ថា មុនពេលព្រះយេស៊ូវយាងមកម្តងទៀត មនុស្សជាច្រើននឹងងាកចេញពីសេចក្ដីពិត ។ លោកចង់ឲ្យពួកបរិសុទ្ធ ដែលជាបុត្រាបុត្រីនៃពន្លឺ បន្តធ្វើតាមព្រះយេស៊ូវ និងបន្តទន្ទឹងរង់ចាំការយាងមករបស់ទ្រង់ ។ ប្រសិនបើយើងធ្វើដូច្នេះ នោះមិនថាមានអ្វីកំពុងកើតឡើងនៅក្នុងពិភពលោកនេះនោះទេ យើងនឹងត្រៀមខ្លួនរួចជាស្រេច នៅពេលព្រះយេស៊ូវយាងមកម្ដងទៀត ។
ថែស្សាឡូនីច ទី១ ១:៥; ថែស្សាឡូនីច ទី២ ២:៣