កិច្ចការ ៨:៥–២៤
ស៊ីម៉ូន និងព្រះចេស្ដារបស់ព្រះ
ការរៀនអំពីបព្វជិតភាពរបស់ព្រះ
បុរសម្នាក់ឈ្មោះ ស៊ីម៉ូន បានរស់នៅស្រុកសាម៉ារី ។ នៅពេលដែលគាត់បានឮពីដំណឹងល្អរបស់ព្រះយេស៊ូវគ្រីស្ទ គាត់បានជឿ ។ គាត់ក៏មានការអស្ចារ្យនឹងអព្ភូតហេតុ ដែលពួកសិស្សរបស់ព្រះយេស៊ូវបានធ្វើជាមួយនឹងព្រះចេស្ដារបស់ព្រះផងដែរ ។ ស៊ីម៉ូនបានទទួលបុណ្យជ្រមុជទឹក ព្រមជាមួយនឹងបុរស និងស្ត្រីជាច្រើននាក់ទៀតនៅស្រុកសាម៉ារីផងដែរ ។
កិច្ចការ ៨:៥–១៣
ពួកសាវកនៅក្រុងយេរូសាឡិមបានឮថា ប្រជាជននៅស្រុកសាម៉ារីកំពុងទទួលបុណ្យជ្រមុជទឹក ។ ពេត្រុស និងយ៉ូហានបានធ្វើដំណើរទៅស្រុកសាម៉ារី ។ ដោយប្រើព្រះចេស្ដានៃព្រះ ពោលគឺបព្វជិតភាព ពួកលោកបានដាក់ដៃលោកលើមនុស្សទាំងឡាយ ដែលបានទទួលបុណ្យជ្រមុជទឹក ហើយបានប្រគល់អំណោយទាននៃព្រះវិញ្ញាណបរិសុទ្ធដល់ពួកគេ ។
កិច្ចការ ៨:១៤–១៧
នៅពេលស៊ីម៉ូនបានឃើញពេត្រុស និងយ៉ូហានធ្វើបែបនេះ គាត់បានផ្តល់ប្រាក់ជូនពួកលោក ហើយបាននិយាយថា « សូមឲ្យខ្ញុំមានអំណាចនេះផង » ។ គាត់ចង់ទិញបព្វជិតភាពរបស់ព្រះ ដើម្បីគាត់អាចផ្តល់អំណោយទាននៃព្រះវិញ្ញាណបរិសុទ្ធដែរ ។
កិច្ចការ ៨:១៨–១៩
ពេត្រុសបានពន្យល់ថា គ្មាននរណាម្នាក់អាចទិញព្រះចេស្ដារបស់ព្រះបានទេ ។ វាគឺជាអំណោយទានមកពីព្រះ ។ ពេត្រុសបានប្រាប់ស៊ីម៉ូនថា ដួងចិត្តរបស់គាត់ត្រូវតែផ្លាស់ប្ដូរ ។ គាត់បានអញ្ជើញស៊ីម៉ូនឲ្យប្រែចិត្ត ហើយអធិស្ឋានទៅព្រះដើម្បីទូលសូមការអភ័យទោស ។
កិច្ចការ ៨:២០–២៣
ស៊ីម៉ូនបានសោកស្ដាយ ។ គាត់បានសុំឲ្យពេត្រុសអធិស្ឋានសម្រាប់គាត់ ដើម្បីជួយគាត់ឲ្យផ្លាស់ប្តូរ ។
កិច្ចការ ៨:២៤