កិច្ចការ ១២:១–១៧
ទេវតាមួយអង្គរំដោះពេត្រុសចេញពីគុក
ព្រះឆ្លើយតបការអធិស្ឋាន
ស្តេចមួយអង្គព្រះនាម ហេរ៉ូឌ មិនចូលចិត្តពួកគ្រីស្ទានទេ ។ ទ្រង់បានសម្លាប់សាវកយ៉ាកុប ។ បន្ទាប់មក ទ្រង់បានដាក់គុកពេត្រុស ។ ទ្រង់បានដាក់ទាហាន១៦នាក់ឲ្យចាំយាមគុក ។
កិច្ចការ ១២:១–៤
នៅពេលដែលសមាជិកសាសនាចក្របានឮពីរឿងនេះ ពួកគេបានអធិស្ឋានហើយអធិស្ឋានទៀតទៅកាន់ព្រះវរបិតាសួគ៌សម្រាប់ពេត្រុស ។
កិច្ចការ ១២:៥
នៅយប់មួយ ពេត្រុសបានដេក ។ លោកត្រូវគេដាក់ច្រវាក់ពីរខ្សែជាប់នៅកណ្ដាលទាហានពីរនាក់ ។
កិច្ចការ ១២:៦
ភ្លាមៗនោះ មានពន្លឺចាំងមកក្នុងគុក ហើយទេវតាមួយអង្គបានបង្ហាញព្រះកាយ ។ ទេវតាបានមានបន្ទូលថា « ចូរក្រោកឡើងជាប្រញាប់ » ហើយច្រវាក់ក៏ជ្រុះពីដៃពេត្រុសចេញ ។ ទេវតាបានប្រាប់ពេត្រុសឲ្យដើរតាមទ្រង់ ។
កិច្ចការ ១២:៧–៨
ពេត្រុសគិតថា លោកកំពុងយល់សុបិន ។ លោកបានដើរតាមទេវតាឆ្លងផុតអ្នកយាម ។ ច្រកទ្វារដែកដែលនាំចេញទៅទីក្រុងបានរបើកឯង ហើយពេត្រុស និងទេវតាបានដើរកាត់ទ្វារនោះ ។
កិច្ចការ ១២:៩–១០
ទេវតាក៏បានឃ្លាតចេញទៅ ហើយពេត្រុសបានដឹងថា លោកមិនបានយល់សុបិនទេ ។ លោកដឹងថា ព្រះអម្ចាស់បានបញ្ជូនទេវតាឲ្យមកជួយសង្គ្រោះលោក ។
កិច្ចការ ១២:១០–១១
ពេត្រុសបានទៅផ្ទះរបស់ស្ត្រីម្នាក់ឈ្មោះ ម៉ារា ជាកន្លែងដែលសមាជិកសាសនាចក្រជាច្រើនបានមកអធិស្ឋាន ។ លោកបានគោះទ្វារ ។
កិច្ចការ ១២:១២–១៣
ក្មេងស្រីម្នាក់ឈ្មោះ រ៉ូដា បានមកឯទ្វារ ។ កាលនាងបានឮសំឡេងរបស់ពេត្រុស នាងពិតជាសប្បាយចិត្តខ្លាំងណាស់ ! នាងបានរត់ទៅប្រាប់អ្នកដទៃ ។
កិច្ចការ ១២:១៣–១៤
នៅពេលរ៉ូដាប្រាប់មនុស្សគ្រប់គ្នាថា ពេត្រុសនៅឯមាត់ទ្វារ នោះពួកគេមិនជឿនាងនោះទេ ។ ពេត្រុសបានបន្តគោះទ្វារ ។
កិច្ចការ ១២:១៥–១៦
នៅទីបំផុត ពួកគេបានបើកទ្វារ ហើយឃើញថា វាជាការពិតមែន ។ ពេត្រុសមានសុវត្ថិភាព ! ព្រះអម្ចាស់បានឆ្លើយតបការអធិស្ឋានរបស់ពួកគេ ។ ពេត្រុសបានប្រាប់មនុស្សគ្រប់គ្នាពីរបៀបដែលព្រះអម្ចាស់បាននាំលោកចេញពីគុក ។
កិច្ចការ ១២:១៦–១៧