ម៉ាថាយ ២៥:៣១–៤៦
« នោះឈ្មោះថា បានធ្វើដល់យើងដែរ »
នៅពេលយើងបម្រើអ្នកដទៃ យើងកំពុងបម្រើព្រះយេស៊ូវ
ព្រះយេស៊ូវគ្រីស្ទបានប្រាប់ពួកសិស្សរបស់ទ្រង់ថា បន្ទាប់ពីទ្រង់ត្រឡប់ទៅរកព្រះវរបិតារបស់ទ្រង់នៅស្ថានសួគ៌វិញ ទ្រង់នឹងយាងមកផែនដីវិញជាមួយនឹងពួកទេវតាដ៏បរិសុទ្ធទាំងអស់ ។ នៅថ្ងៃនោះ មនុស្សមកពីគ្រប់ជាតិសាសន៍នឹងប្រមូលផ្តុំគ្នានៅចំពោះព្រះភ័ក្រ្ដទ្រង់—មនុស្សដែលបានដើរតាមទ្រង់ និងមនុស្សដែលមិនបានដើរតាមទ្រង់ ។
ម៉ាថាយ ២៥:៣១–៣៣
ព្រះយេស៊ូវនឹងប្រាប់មនុស្សដែលបានដើរតាមទ្រង់ថា ពួកគេអាចចូលទៅក្នុងនគររបស់ទ្រង់បាន ពីព្រោះនៅពេលដែលទ្រង់បានឃ្លាន នោះពួកគេបានឲ្យទ្រង់បរិភោគ ។ នៅពេលដែលទ្រង់បានស្រេក នោះពួកគេបានឲ្យទ្រង់ផឹក ។
ម៉ាថាយ ២៥:៣៤–៣៥
ពួកគេបានស្លៀកពាក់ឲ្យទ្រង់ និងឲ្យកន្លែងស្នាក់នៅដល់ទ្រង់ នៅពេលដែលទ្រង់ត្រូវការ ។ កាលទ្រង់ឈឺ ឬជាប់គុក ពួកគេបានទៅសួរសុខទុក្ខទ្រង់ ។
ម៉ាថាយ ២៥:៣៦
មនុស្សនឹងទូលសួរព្រះយេស៊ូវថា តើពួកគេធ្លាប់បានធ្វើរឿងសប្បុរសទាំងនេះសម្រាប់ទ្រង់នៅពេលណា ។ ព្រះអង្គសង្គ្រោះនឹងពន្យល់ថា នៅពេលយើងធ្វើអំពើល្អចំពោះមនុស្សដទៃ នោះវាដូចជាយើងកំពុងធ្វើអំពើល្អចំពោះទ្រង់ដែរ ។
ម៉ាថាយ ២៥:៣៧–៤០
ព្រះយេស៊ូវនឹងមានបន្ទូលទៅកាន់មនុស្សដែលមិនបានដើរតាមទ្រង់ថា ពួកគេមិនអាចចូលទៅក្នុងនគររបស់ទ្រង់បានឡើយ ។ នៅពេលទ្រង់ឃ្លាន និងស្រេក ពួកគេមិនបានឲ្យទ្រង់បរិភោគ ឬផឹកនោះទេ ។
ម៉ាថាយ ២៥:៤១–៤២
ពួកគេមិនបានជួយទ្រង់ទេ នៅពេលទ្រង់ត្រូវការសម្លៀកបំពាក់ ឬកន្លែងស្នាក់នៅ ។ នៅពេលទ្រង់ឈឺ ឬជាប់គុក ពួកគេមិនបានទៅសួរសុខទុក្ខទ្រង់ទេ ។
ម៉ាថាយ ២៥:៤៣
ព្រះយេស៊ូវនឹងពន្យល់ថា នៅពេលដែលយើងជ្រើសរើសមិនជួយនរណាម្នាក់ដែលខ្វះខាត នោះយើងកំពុងជ្រើសរើសមិនជួយទ្រង់ហើយ ។ នៅពេលយើងជ្រើសរើសជួយដល់អ្នកដទៃ នោះយើងកំពុងជ្រើសរើសជួយដល់ព្រះយេស៊ូវដែរ ។
ម៉ាថាយ ២៥:៤៥